Walay kabutangan sa kalipay sa social media personality nga si Rendon Labador sa dihang iyang gibandera ang iyang pagbabalik Facebook.
Niadtong Lunes, Oktubre 2, nakabalik na sa Facebook ang kontrobersyal nga self-proclaimed motivational speaker human sa pagkawala sa iyang account niadtong Septyembre 7.
“I’m back!!! Namiss nyo ba ako? Kumusta kayong lahat, Pilipinas???” matud pa ni Rendon.
Dugang niya, “Lab lab muna tayong lahat, ayos ba?”
Iya usab nga gi-kuyogan og hashtags nga “#LabLabLabador” ug “#stayMotivated” ang iyang post.
Sa comments section sa iyang post, misulti si Rendon nga nindot kuno kaayo ang paminaw sa usa ka taw nga nagbag-o na.
“Ang sarap pala mag mahal [heart emoji],” matud niya.
Sa miaging buwan, mi-reklamo ang social media personality tungod sa pag-mass report kuno sa madlang people sa iyang social media accounts.
Una nga nawala ang TikTok account ni Rendon nga gi-sundan usab sa pagkawala sa iyang Facebook page.
Apan daghan sa mga netizens ang nalipay sa pagkawala sa iyang mga social media accounts tungod pud sa iyang sobra nga pagpanaway sa pipila ka mga artista.
Sa iyang interview kauban ang talent manager nga si Ogie Diaz, nangayo og pasaylo si Rendon sa mga artista nga iyang gipangbirahan, apil na sila si Michael V ug Vice Ganda.
“I’m apologizing.”
“I’m trying to be perfect. Ngayon naman nakikinig na ako. Marami akong opportunities. Marami naman akong nasaktan din naman talaga. Iyon din naman yung regret ko talaga. I’m trying to be better,” sey pa ni Rendon.
RELATED STORIES
Rendon Labador may patutsada kay Herlene Budol: Utak muna bago retoke
