Ogie Diaz umamin na pinatatahimik sa isyu ng KathNiel breakup

Talent Manager Ogie Diaz/Bandera

May mga taong nais patahimikin ang talent manager na si Ogie Diaz hinggil sa pagsasalita sa diumano’y break up nina Kathryn Bernardo at Daniel Padilla.

Ito ay ibinahagi mismo ni Ogie sa kanyang latest upload sa kanyang YouTube channel na “Showbiz Now Na” kasama si Mama Loi at Mrena.

Dito inamin niyang may tumatawag sa ABS-CBN para huwag na hayaang mag-ulat ng mga balitang may kinalaman sa KathNiel.

“Meron daw nakikipag-usap sa management ng ABS-CBN na kung pwede raw na patigilin ako, kami dito na magbalita tungkol sa Kathniel sa breakup diumano, lalo na kay Daniel… Pinapatigil kami,” pagbabahagi ni Ogie.

READ: Andrea Brillantes no longer follows Kathryn Bernardo on Instagram

Paglilinaw ng talent manager, wala pa naman siyang natatanggap na pakiusap mula sa management ng Kapamilya network ukol rito.

Sa kabila nito ay may nasagap naman si Ogie na chikang may lumapit daw sa kampo ni Kathryn upang sabihan na patahimikin ang talent manager.

“Meron pang nakarating sa akin, meron namang nakipag-usap sa kampo ni Kathryn Bernardo. ‘Yun na nga, parang nakarating kay Kathryn na merong nakikipag-usap sa management ng ABS-CBN para patigilin ako.

“Ang sabi ng kampo ni Kathryn, nakarating lang naman sa akin ito, ang sabi, ‘Let them be.’ Ibig sabihin, hayaan n’yo na sina Ogie na gawin ang trabaho nila. Parang ganoon ‘yung ‘let them be,” sey pa ni Ogie.

Nilinaw rin niyang hindi ito nanggaling mismo kay Kathryn at sa halip ito ay mula sa isa sa mga kampo ng dalaga.

Ipinagtanggol rin ni Ogie ang sarili at sinabing wala siyang pinapalaganap na fake news ukol sa KathNiel.

“Una sa lahat, wala po kaming ibinabalita rito na nakakasirang-puri kay Kathryn, kay Daniel, o sa relasyon. Ang lagi rin naming sinasabi rito, ‘yun lang po ang nababalitaan namin pero hindi pa confirmed,” sabi ng talent manager.

“Kaya ‘yung iba inuutusan tayo na i-verify muna. Kaya nga sinasabi naming hindi pa confirmed,” dagdag pa nito.

Matatandaang nag-trending si Ogie sa X (dating Twitter) matapos nitong ibalita na hiwalay na ang KathNiel at dawit rin sa isyu ang Kapamilya actress na si Andrea Brillantes.

Paglilinaw niya, wala pa itong kumpirmasyon at dalangin rin niyang maglabas ng pahayag ang KathNiel upang linawin sa mga tagasuporta ng mga ito ang tunay na estado ng kanilang relasyon.

RELATED STORIES

Ogie Diaz denies starting rumors on Kathniel breakup, Daniel’s link to Andrea Brillantes
Ogie Diaz binansagang ‘fake news peddler’ ng KathNiel at Andrea supporters, pumalag: So pag tama ba kami, sasabitan nyo kami ng medalya?