Sherwin Gatchalian ug Bianca Manalo. Image: Instagram/@biancamanalo
Niadtong Christmas Eve, mipadayag pag-usab si Senator Sherwin Gatchalian sa iyang gugma alang sa iyang girlfriend, ang actress-beauty queen Bianca Manalo, ug mihatag sa usa ka tam-is kaayo nga pinaskuhan, ang pasalig nga naa siya pirmi sa kiliran ni Bianca.
Uban niini, gipakita usab ni Sherwin sa usa ka Instagram post niadtong Doming, Disyembre 24, ang ilang mga framed photos nga nakasab-it sa Christmas tree kauban ang uban nga mga adorno.
“Merry Christmas to everyone! To [Bianca Manalo], my 2023 Christmas gift to you—I will always be by your side,” matud ni Sherwin.
Si Bianca, nga tua karon sa Japan kuyog ang iyang pamilya, nalambigit sa kontrobersiya kauban si Rob Gomez. Matud sa mga balita nga naleak kuno ang ilang private conversation.
Apan mura og wala matarog sila si Sherwin ug Bianca sa maong issue.
Gani, gi-share pa ni Bianca sa iyang Instagram Stories ang post ni Sherwin.
Sa sayo pa, gitubag na ni Sherwin ang issue mahitungod kang Bianca og siya mi-ingon, “no fake news will divide [them].”
Nagkauban sila si Bianca ug Rob sa GMA TV series nga “Magandang Dilag.”
Sa mga naleak nga screenshots sa ilang panag istorya, murag og gi-dani ni Bianca si Rob nga makigkita niya.
Apan gi-klaro ni Bianca nga walay kamatuoran ang mga speculations sa cheating. Matud niya nga makigkita siya kang Rob aron sa pagkuha sa Christmas gift sa aktor para kaniya.
Mi-dugang si Bianca nga tuyo nga gi delete ang ubang bahin sa ilang storya, “to create malicious insinuations.”
Human sa maong leaked conversation, nagpagawas si Bianca og usa ka quote kabahin sa “scared” enemies attacking her spirit nga nakakuha sa attention sa iyang mga fans.
Sa laing bahin, kauban sa mga leaked conversation ni Rob ang sa ilang duha sa actress-beauty queen nga si Herlene Budol.
Ang ilang panag-istorya mura og nagpadayag og usa ka sexual relationship.
Dali nga gi-klaro ni Herlene ang “made-up issues” batok kaniya.
RELATED STORIES
Sherwin Gatchalian to Bianca Manalo: ‘No fake news will divide us’
Rob Gomez, iyang intimate convo ni Herlene Budol, Bianca Manalo, nipainit sa internet
Herlene Budol nasagmuyo sa mga ‘made-up issues’ kabahin nilang Rob Gomez
