Daniel Padilla ug ang iyang sports car. | Instagram/@supremo_dp, Facebook/Franz Akeem Aldover
Nahalin na ang luxury sports car ni Daniel Padilla nga gipalit sa usa ka buyer nga taga Angles, Pampanga, pila lang ka adlaw human migawas ang pahibaw sa Facebook Marketplace sa iyang plano nga pagbaligya sa maong sakyanan.
Matud sa balita sa Bandera nga ang dealer nga si Franz Aldover una nga mihagad sa internet personality nga si Jayson Luzadaz o si Boss Toyo kun interesado ba kini nga mopalit sa maong sakyanan.
Si Franz mipahibaw pinaagi sa Facebook niadtong adlaw nga Martes, Enero 16, nga nahalin na ang sakyanan sa aktor sa usa ka Pampanga-based buyer nga si Paldo.
“Guys, may nanalo na! Tinapos na ni Tito Paldo ang laban sa sports car ni Daniel. Nag-iisang Chevrolet Corvette ni Daniel Padilla‼️ Sold and delivered to Angeles City, Pampanga! Thank you brother Perkz Gaming for trusting,” sey ni Franz sa iyang post.
Sayo karong semanaha, miduol si Franz sa “Pinoy Pawnstars” ni Boss Toyo aron sa pagbaligya sa maong sakyanan sa kantidad nga P6.5 million.
Apan wala sila magkasinabot sa presyo.
Karong bag-o miingon si Franz nga nahalin na ang sakyanan sa usa ka amigo.
RELATED STORIES
Daniel Padilla milarga sa Dubai aron makaikyas sa mga Marites?
Did Kathryn Bernardo just unfollow Daniel Padilla and Gillian Vicencio?
Daniel Padilla admits to experiencing burnout, but now ready to do 3 movie projects
Kathryn Bernardo, Daniel Padilla confirm breakup
