Bullet Jalosjos, Dominic Roque ug Bea Alonzo.
Milugwa karong bag-o ang pangan ni Dapitan Mayor Bullet Jalosjos nga mao kuno ang politiko nga tag-iya sa condo unit nga gipuy-an ni Dominic Roque.
Ang maong condo naa mahimutang sa Pasig City ug dugay na nga giabangan ni Dominic.
Matud pa sa balita sa Bandera nga suod nga managhigala sila si Bullet ug Dominic. Pareho kuno nga hilig sa sports ang duha nga mao ang rason sa ilang pirmi nga paglarga sa laing nasud aron sa pag-apil og mga kumpetisyon.
Duna pa gani chika nga kaila kuno ni Bullet ang gi-orderan sa kanhi aktor sa engagement ring nga iyang gihatag kang Bea.
Midugang ang Bandera nga bisan si Bea, nakaila kang Bullet og nagkauban na sila sa pila ka mga events, apan wala lang mogawas ang ilang mga hulagway sa social media.
Sey pa sa usa ka source nga mitabi sa Bandera nga, “wala namang binanggit na may relasyon sina Dom at Bullet, puro lang ispekulasyon at kung alam lang ng lahat, ang daming babae nu’n.”
Nahisgutan usab sa beteranong peryodista nga si Jobert Sucaldito sa iyang YouTube channel nga “Jobert and Chaps” nga dunay negosyo sila si Dominic ug Mayor Bullet.
Apan wala na niya hisguti kun unsa kini kay wala pud kini ipublikar sa duha.
Samtang nagpadayon ang nagkalain-lain nga istorya sa tinuod nga rason sa panagbuwag nila ni Bea ug Dominic, miingon ang source sa Bandera, “Feeling ko ‘yung dahilan ng hiwalayan nina Dom at Bea tungkol sa plano nilang kasal saka maraming outside forces na nakikialam.”
RELATED STORIES
Bea Alonzo, Dominic Roque confirm split
Gipaimbestigar kuno sa kampo ni Bea si Dominic, iyang condo gipanag-iya og politiko?
Bea nakit-an sa Singapore: ‘Bagsak na bagsak daw ang mukha’
Dominic Roque defends Bea Alonzo against bashers after breakup
