Gipalit sa negosyante ug social media personality nga si Boss Toyo ang lungon nga gigamit ni Dingdong Dantes sa pelikula nga ‘Rewind’ ug gibayaran niya kini og P250, 000.
Sa latest episode sa iyang vlog nga “Pinoy Pawnstars” nga iyang gi-post niadtong Pebrero 16, gipakita ni Boss Toyo nga gidala sa tag-iya sa punerarya nga St. Athanustus Memorial Chapel nga si Pasky Ilagan ang maong lungon sa iyang shop aron ibaligya.
Mura og nakalitan ang vlogger kay mao kadto ang unang higayon nga gibaligyaan siya og lungon.
Samot siya nga nagkainteres sa maong lungon sa dihang iyang nahibaw-an nga mao kini ang gigamit ni Dingdong sa iyang pelikula nga ‘Rewind’ nga mao na karon ang highest grossing film sa nasud.
Aron makasiguro, ngayo si Boss Toyo og pruweba nga mao gyud kini ang lungon ni Dingdong sa ‘Rewind.’ Gipakita siya sa kampo ni Pasky og video nga mao ang nakapakumbinser niya.
“Loves, kapag nawala ako, pero hindi pa ngayon, dito mo ko ilalagay [sa kabaong],” sey ni Boss Toyo sa iyang vlog.
“Pero mga ano pa ‘yun, mga 2090 pa. 2024 pa lang ngayon, mayron pa akong madami pa, 60 years pa.”
Una nga gi-presyohan ni Pasky og P1 million ang maong lungon.
Mi-counter offer ni Boss Toyo og P200,000.
Apan wala mosugot si Pasky og nangayo kini nga pasaka-an pa ang iyang offer.
Nagkasabot ang duha sa presyo nga P250,000.
Sa iyang vlog, nanawagan usab si Boss Toyo kang Dingdong kun pwede ba kini nga makadu-aw sa iyang shop.
“Sir Dingdong alam ko nanonood ka lagi ng Pinoy Pawnstar.Nandito sa harapan ko ‘yung hinigaan mo sa Rewind so I hope kapag nagkasundo kami ni Sir [Pasky], pasyalan mo naman ako dito sa aking munting shop para mapirmahan,” sey ni Boss Toyo.
RELATED STORIES
Francis M jersey binibili ng P2.5-M kay Boss Toyo?
Jiro Manio nagkinahanglan og kwarta maong gibaligya ang iyang Gawad Urian trophy
Dingdong Dantes gives peek at new family home
