Marc Pingris kauban ang iyang pamilya sa Lingayen Beach. | Image: Instagram/@jeanmarc15
Mibakasyon sa Pangasinan sila si Marc Pingris ug Danica Sotto, apil na ang ilang mga anak, human mogawas ang hungihong sa pagpamabay kuno sa basketbolista.
Nalink karon si Marc sa aktres ug modelo nga si Kim Rodriguez.
Sa iyang Instagram Stories niadtong Sabado, gipakita ni Marc ang pipila ka hulagway nga kuha sa ilang pagkaligo sa Lingayen Beach sa Pangasinan.
READ: Marc Pingris dismisses rumors linking him to Kim Rodriguez
Kauban nila ni Danica ang ilang mga anak nga sila si Jean Michel, Anielle Micaela and Jean-Luc.
Sa usa ka hulagway makita si Mac nga nagkugos ni Jean-Luc samtang naa sila sa baybayon. Sa laing hulagway, makita ang iyang pamilya kauban sa iyang mga paryente.
Image: Screengrab from Instagram/@jeanmarc15
Romantic involvement
Ang ilang pagbakasyon sa Pangasinan nahitabo human gi-klaro ni Marc nga walay kamatuoran ang ilan kuno nga relasyon ni Kim.
Nanggawas ang istorya sa ilang romantic involvement human sila makit-i nga nag-uban sa pipila ka higayon.
READ: Gilas appreciates Pingris’ comeback
Sa iyang official statement, miingon si Marc nga ‘okay’ ang iyang pamilya. Iya usab nga gi-klaro nga nagkauban sila ni Kim sa duha ka higayon para sa pagtambong og basketball events.
Midipensa usab kang Marc ang usa sa mga suod nga higala ni Danica nga nagkanayon nga dili gyud mabuhat sa basketbolista ang magbinoang sa iyang asawa.
Si Kim mi-deny na usab sa nabalita nga iya kuno nga romantic involvement kang Marc sa pinakauwahi nga episode sa “Showbiz Update” sa iyang talent manager Ogie Diaz.
