PHOTO: Instagram/@taylorswift
Mapasana all na lang gyud ta ani human gibandera sa Forbes magazine nga usa na ka bilyonaryo ang international pop star nga si Taylor Swift.
Si Taylor kuno ang pinakauna nga artist nga nahimong bilyonaryo tungod sa iyang musika.
Matud pa sa American financial news outlet nga miabot na sa $1.1 billion o hapit P57 billion ang kadatu ni Taylor.
READ: Taylor Swift + Super Bowl = conspiracy theories
Gawas sa iyang mga nasuwat nga kanta, apil sa nagpadatu kang Taylor ang iyang “Eras Tour” nga padayon nga gipasundayag sa nagkalain-lain nga bahin sa kalibutan.
Sa pagkakaron, daghan na siya og gipanag-iya nga real estate properties apil na ang iyang mga balay nga naa nahimutang sa New York, Beverly Hills ug Nashville. Duna pud kunoy coastal mansion si Taylor nga naa sa Rhode Island.
READ: Taylor Swift Eras Tour: Filipino swifties go on pricey pilgrimage to Singapore
Daghan usab og naangkon nga kalampusan si Taylor sa iyang karera sa milabay nga katuigan. Sa 2023, nakuha niya ang ikaupat nga Grammy para sa “Best Album.”
Siya usab ang giila nga “Person of the Year” sa Time Magazine nga mitawag usab kaniya og, “rare person who is both the writer and hero of her own story.”
READ: Grammys 2024: Taylor Swift wins Album of the Year
Karong Abril 19, mo lugwa na usab ang ika onse nga album sa sikat nga singer nga “The Tortured Poets Department.”
Padayon usab ang iyang “Eras Tour” nga mahuman unya pa sa Disyembre. Daghan usab ang nagtuo nga malabwan pa ni tayor ang $2-billion threshold o P113.3 billion threshold sa maong tour.
Ang lain pa nga mga music artists nga bilyonaryo na, nag-apil nila ni Rihanna ug Jay-Z. Apan ang ilang kadatu naglakip na sa ilang mga negosyo ug investments, gawas sa ilang musika.
