Gerald Anderson (Screenshot from Twitter)
Isog kaayo nga nitusmaw ang Kapamilya nga aktor nga si Gerald Anderson sa lawom kaayo nga tubig sa baha para matabangan ang usa ka pamilya sa Quezon City.
Tunga tunga sa kusog kaayo nga uwan nga gidala sa bayong Carina nga gikuyogan pa gyod sa habagat, wa na nagduha duha pa si Gerald nga tabangan ang na-stranded nga pamilya sa Barangay Sto. Domingo, Quezon City.
Sa usa ka video nga nikatap sa social media, makit-an nimo ang aktor nga nitusmaw sa tubig baha nga kutob na sa dughan ang gilawmon para lang makasud siya sa usa ka balay nga gisudlan na og lawom nga tubig sa baha.
Basin Bet Pod Ni Nimo:
Gerald lumusong sa baha para tulungan ang na-trap na pamilya sa QC
LIVE UPDATES: Super Typhoon Carina
NDRRMC: 6 nawawala sa Eastern Visayas dahil sa patuloy na pag-ulan
Giarrange usa sa aktor ang uban nga gamit sa balay para di siya naglisod og agi. Ang tubig hapit na moabot sa pamilya nga natrap sud sa balay. Human niini gikugos dayon ni Gerald ang usa ka bata para maluwas kini. Gisunod pod niya og luwas ang uban pang mga tawo nga natrap sud sa balay.
Matud pa ni Rachelle Cabayao nga niupload sa video sa social media, nga ang iyang igsuon ang nipadala sa iyaha sa maong footage.
Matud pa niya nga hapit tulo ka oras na kuno nga naghuwat og tabang ang iyang pamilya sa maong lugar hangtod nga niabot ang grupo nila ni Gerald nga nitabang nila.
Basin Bet Pod Ni Nimo:
Angel ‘superhero’ ni Liza: I really wanted a job that could help people…
Taiwan shuts down as deadly Typhoon Gaemi makes landfall
“Mga 11 a.m., nag-ask na sila sa barangay. Kaso, hindi nila ma-contact, then tumawag ulit sila. Wala pa daw available na boat. Mga 1:30 p.m., si Gerald nag-rescue sa kanila,” matud pa ni Cabayao sa balita sa ABS-CBN.
Matud pa sa report, duna kunoy gipanag-iya nga basketball court ang Kapamilya aktor sa maong lugar.
Gidayeg pod sa mga netizen ang pagkabayani ni Gerald tunga tunga sa kalamidad sa NCR ug sa duol nga mga probinsiya. Maayo ta nga daghan pa ang natabangan ang aktor sa mga naapektuhan ni Carina.
Pila ka oras lang ang nilabay gideklara dayon sa Metro Manila Council nga ipailawom sa state of calamity ang tibuok National Capital Region tungod sa grabe nga epekto sa Bagyong Carina.
