Sofronio Vasquez maoy kampyon sa ‘The Voice’ Season 26
Sofronio Vasquez. Image: Facebook/Sofronio Vasquez
Ang Pilipino nga si Sofronio Vasquez maoy gihirang nga kampyon sa “The Voice” United States Season 26, ang labing unang Asyana nga na kampyon sa maong kompetisyon.
Gipildi ni Vasquez ang lain pang upat nga finalists sa duha ka gabii nga finale nga gipahigayon niadtong Dec. 9 and 10 (Dec. 10 and 11 sa Pilipinas).
Sa unang adlaw sa finale, gikanta ni Vasquez, nga sakop sa Team Michael Bublé, Sia’s “Unstoppable” ug “A Million Dreams” nga gikan sa “The Greatest Showman.”
READ:
Coach J: Cebu’s ‘ultimate voice coach’, a genuine friend and an enigma
Sofronio Vasquez makes history as first Asian to win ‘The Voice’
Sa ikaduha nga parte sa finale, kauban na ni Sofronio Vasquez ang iyang coach nga si Bublé diin ilang gikanta ang “Who’s Lovin’ You” by The Jackson 5.
Shye, laing contestant gikan sa Team Bublé, maoy nakakuha sa ikaduhang dapit samtang si Sydney Sterlace sa Team Gwen Stefani maoy naka third place. Si Danny Joseph from Team Reba McEntire maoy nakakuha sa ika-upat nga puwesto samtang si Jeremy Beloate sa Team Snoop Dogg ang fifth placer.
Sa wala pa ang finals, gipakita ni Vasquez ang iyang superior vocal range sa dihang gikanta niini ang Elvis Presley song nga “If I Can Dream” atol sa “The Voice” United States live show. Nakig duet usab siya kang Beloate, diin ilang gikanta ang “Every Breath You Take” kauban ang songwriter nga si Sting, playing the bass.
Sofronio Vasquez, kinsa alum sa local singing competition nga “Tawag ng Tanghalan,” usa usab ka four-chair turner atol sa blind auditions sa maong kompetisyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
