PHOTO: Facebook/Ivana Alawi
Gibati og tuman nga pagkabalaka si Ivana Alawi sa kahimtang sa iyang balay didto sa Los Angeles, California.
Unsaon man nga gamay na lang gyod kaayo ang gintang sa iyang balay nga kaonon na sa kayo gikan sa “wildfires” sa parti didto sa Amerika.
Sa Facebook, gibandera sa actress-vlogger ang litrato sa iyang property ug makita gyod ang dako nga kayo nga naa sa luyo ug duol na gyod kaayo sa iyahang balay.
Wa nay laing updated si Ivana apan ang pinakacaption lang niya kay: “Currently outside our home… Pray for LA [sad face, folded hands emojis].”
Basin Bet Pod Ni Nimo:
Liza nakaiwas sa matinding ‘wildfires’: I’m not in LA as of the moment
Firefighters race to beat LA wildfires as death toll hits 16
Bahay ni Ivana Alawi sa LA muntikang ‘kainin’ ng apoy dahil sa ‘wildfire’
Sa pagkakaron, libo-libo nga mga balay ang nasunog tungod sa “wildfires” sa Southern California region, partikular na sa LA.
Matud pa sa mga balita, kapin sa 180,000 na nga mga residente ang nibakwit gikan sa ilang mga balay.
Ubay-ubay gyod ka mga Hollywood celebrities ang naapektuhan sa sunog ug apil na dinhi sila si Mandy Moore, Paris Hilton, Mel Gibson, ug si Jamie Lee Curtis.
Bisan si Inigo Pascual nga anak ni Piolo kay naapektuhan sa nahitabo apan ang good news kay luwas siya sa sunog ug nakabakwit kuyog ang iyang pamilya ug mga gigam nga mga hayop.
Una pod nga ni-update si Liza Soberano tungod daghan ang nimessage ug nangumusta niya kay usa pod siya nga nagpuyo didto sa LA.
Matud pa sa iyang social media post, wa siya karon sa maong lugar mao nga maayo ang iyang kahimtang karon.
Human niana kay nipaabot siya og pagampo para sa kaluwasan sa mga apektado sa wildfires.
