“A bit wet,” maoy usa sa mga kasagarang comment ni Simon Howell niadtong usa pa siya sa panel sa American Idol.
“Wet” o basa usab maoy ilang description sa singing voice ni anhing Yoyoy Villame.
Sa radio niadto madungan ko ang termino nga “basa na kaayog papel.” Wa gyud nako matugkad ang kahulogan niadto pero sa ako lang pagsabot murag pasumbingay kadto sa –dili na maayo og dungog.
Miagi ko og mga manindahay og mani. Niadtong higayona morag daghan kaayo ang namaligya og sinangag. Nakalimot ko sa pulong nga “linung-ag.” Sa pagpunay kog tan-aw tan-aw, gipangutana ko sa usa ka tindera kun unsang klaseha sa mani ang akong gipangita. Giingnan ko siya nga nangita ko og mani nga basa. Mi agik-ik og katawa ang laing tindera sa iyang tupad. Hinay ang akong brain cells niadtong hapona mao nga wa ko dayon makuha ang sexual connotation sa akong gisulti.
Daw dili mawa ang sexual connotation sa sign nga “slippery when wet” bisan pa man og pakapinan kini og illustration.
Nahimong euphemism sa kahadlok ang termino nga “wet my pants.” Naka-ihi sa kahadlok, kun sa ato pa.
Dunay usa ka taxi driver sa Osaka, Japan nga ma-turn on nga mag tan-aw og mga babaye nga kaihi-on o naka-ihi. Tungod niani ni-order siyag diuretics (nga makapaihi) sa Internet. Iya kining isagol sa mga snack items sama sa crackers og i-offer sa iyang mga babaye nga pasahero.
Inig taud-taud, kaihion na ang mga babaye ug mohangyo kini sila kaniya nga mopara kay buot sila manaog ug mangihi. Dili siya mohunong kay mahimuot man kini siyang magtan-aw kanila nga mag lit-ad lit-ad o mag kisi-kisi nga magpugong sa ilang ihi.
Gibutangan pud ning maong driver og hidden security camera ang iyang taxi para ma-record ang lamba-lamba sa luyo sa iyang mga babae nga pasahero. Nakuha kining maong video human maronda sa mga police ang iyang pinuy-anan.
“I got excited by watching women trying to withstand the urge to urinate,” matud pa ni Toshihiko Nishi, 41, nga mao ang mopaka ihi-on sa iyang mga babae nga pasahero. Gidakop si Nishi kay gi-isip nga violent act kining iyang gihimo.
Duna na akoy pipila ka pelikula nga nakit-an nga ihi-an ang usa ka binuhat human kini pakighilawasan. Usahay biktima ang gi ihi-an apan usahay mao usab kiniy mo-hangyo nga buhatan sa ingon. Usa ka psychological dimension sa sex act kining maong act of humiliation.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
