Kon duna kamoy free time karon ug ugmang adlawa, pahimusli ninyo ang mga libreng pelikula nga ipasundayag sa Ayala gikan sa mga nasud nga sakop sa European Union (EU).
Kagahapong adlawa, Biyernes, gisugdan ang Cine Europa 17 ug ugma, adlaw nga domingo kini mahuman. Karong adlawa Sabado, mahimong makit-an mo mga pelikula ning maong mga nasud: Hungary (“Thorn Castle”); Italy (“Second Childhood” ug “Easy”); Netherlands (“Bon Voyage” ug “ “Mister Twister-Class of Fun”); Norway (“Vegas”) ug Romania (“Child’s Pose” ug “The Godmother”).
Ugmang adlawa kini na usab nga mga nasud ang mopasundayag sa ilang mga pelikula: Slovania (“Love”); Spain (“The Missing Lynx” ug “A Gun in Each Hand”); Sweden (“The Ice Dragon”) Switzerland (“Planet Ocean” ug “Sister”); United Kingdom (“Metro Manila”). Puros may English subtitles ang maong mga pelikula.
Murag karon ang bulan sa mga pelikula. Bag-o pa lang kong ga hangover sa Korean film festival diin upat sa pito ka pasundayag ang akong nakit-an nia na pud ang Cine Europa.
Wa ko mag-mahay sa akong mga nakit-ang pelikula sa mga Koreano. Gawas nga expert filmmakers kini sila, great storytellers pud sila. Murag napapas ang na-andan nga pang bata ang animation kay ang Korean animation kabahin mag hikughikug ug nga dili gyud pangbata.
Ug ang ila usab nga “Man on the Edge” usa ka supernatural comedy nga sentimental pas nangamatay. Ingon niani ka maayo motuhog og sugilanon ang mga South Koreans nga na wala na ang relevance sa genre. Ang “Man on the Edge” nga kabahin sa usa ka gangster nga nahimong mananag-an nga makakita og mga kalag mi saksak sa mga style/genre nga naglakip sa horror, comedy, action ug drama.
Ang “All About My Wife” usa ka comic love story kabahin sa usa ka bana nga gisamukan sa iyang asawa hangtud nga misikat kini og iya kining kuhaon og balik. Naka-ingon ka nga dili usab diay mabiyaan sa fight choreography ug sa pinusilay ang mga Koreano kon nakit-an mo ang “The Company Man.”
Surreal ang ilang final shoot out diin ang tanang office worker sa usa ka shipping company dunay mga semi-automatic weapons sa ilang mga desk. Daw usa kini ka metaphor sa pagka ruthless sa corporate culture.
Karon usang buwana ga siguig shooting ang mga mointra sa Lilas Film Festival nga kang kansang mga mubong pelikula ipasundayag sunod buwan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
