‘Padre De Pamilya Na, Pari Pa!’

By: Lloyd Suarez March 12,2017 - 08:38 PM

SUAREZ

SUAREZ

Bisag gi-unsa nako pagtimbang-timbang dili madawat sa akong tanlag nga mahimo’ng pari kami’ng mga lalaki’ng minyo.

Kini tungod kay di g’yud angayan. Wa ka-eskuwela pagka-pari ug akong namat-an nga ang pari simbolo intawon sa kaputli diha sa pagpangalagad sa Diyos.

Diha sa kaputli sa mga pari, apil na diha ang pag-focus sa iyang panahon pagpangalagad aron siya mapaduol sa Ginoo.

Tungod kay sila duol sa Ginoo mao nga anha kita mopabuhagay sa atong mga tawhanong kakulangan ug kasaypanan sa pagpuyo aron mapasaylo sa Labaw’ng Gamhanan.

Ang nahuna-hunaan ni Pope Francis bahin sa mga minyo’ng lalaki nga puwede na’ng ma-pari usa kini ka daku’ng hagit sa atong tagsa-tagsa ka bokasyon.

Kumusta naman tuod kita sa atong bokasyon?

Ang bokasyon sa pagka-pari maoy labing special nga bokasyon sa tawo. Mao nga gamay ra g’yud ang atong mga pari. Sumpay kini sa panultihon nga “daghan ang gitawag apan gamay ra kanila ang gipili ug nakasulod.”

Mao bitaw nga sa akong pagka-elementarya kaniadto wa g’yud ko manumbaling sa panawagan sa mga seminarian nga mosulod sa maong special vocation kay maibog g’yud ko sa magsayal. Ang bokasyon sa pagka padre de pamilya maoy akong gipili.

Ang number one requirement nga mahimong pari mao nga dili g’yud magpaka-aron ingnon ug dili magtakuban sa pagkatawo. Dili gamiton ang bokasyon pagtagbaw sa iyang kaugalingon ug panginahanglan.

Ang kakulang sa mga pari tibuuk kalibutan maoy naka-trigger niining maong pagtoon sa Santo Papa.

Apan dinhi sa ato sa Pilipinas, ilabina dinhi sa Sugbo, akong tan-aw naghinobra ang kaparian nga maoy hinungdan nga wa sila tagsa-i og parokya.

Hinoon kung seryosohon g’yud pagtuki kining maong proposal, gawas seguro nga kadto lang mga edaran ang pang-ordinahan kinahanglang himoon ang sensitibo nga mga proseso sama sa pakigkonsulta sa komunidad, silingan ug pamilya sa mga kandidato pagka-pari.

Ang mga layko nga nangalagad karon sa atong mga parokya maoy posible’ng hatagan sa prayoridad.

Kung andam na ang mga kadagkuan sa Simbahan nga tugtang mag-pari ang mga minyo’ng lalaki, nganong dili naman lang tugtan nga mag-minyo ang mga pari? Nganong dili naman lang pabalikon sa serbisyo kadtong mga pari nga nag-minyo?

Ang pagka-mahinangpon ug mapasayloon maoy tinuud nga Simbahan.

* * *

Nagka-parehas ang among baruganan ni Leo Villarino sa Commission on Human Rights (CHR-7) nga kung kaya sa gobyerno kinahanglang magtukod g’yud og jail facility sa kalungsuran aron pag-decongest sa mga dagku’ng prisohan sama diha sa Cebu Provincial Detention and Rehabilitation Center (CPDRC).

Mas mo-grabe ang palusot sa mga kontrabando kung padak-an og samot ang mga existing jail facilities kay maglisod pagbantay ang mga jail personnel.

Si Chief Inspector Dennis Aliño, legal officer sa Bureau of Jail Management and Penology (BJMP-7) kinsa nangangkon sa over crowded, mitug-an nga duna nay budget aron mapadak-an ang mga prisohan.

Mas malikayan sab ang mga palusot kung way mahitabong physical contact sa priso ug sa bisita. Sama sa ubang nasud nga magkita ra sa bildo ug mag-estorya pinaagi sa telepono. Wa untay pahuboon!

Pero ang subo niining tanan kay kuwang sa budget mao nga di kapatuman ang gobyerno.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: NA, Pa, Padre, Pamilya, Papa, pilipinas, Santo

We use cookies to ensure you get the best experience on our website. By continuing, you are agreeing to our use of cookies. To find out more, please click this link.