Puwede na nga i-nationwide ang martial law?

By: Lloyd Suarez July 23,2017 - 09:16 PM

Palapdan ni Presidente Duterte ang coverage sa martial law ug apilon na ang Luzon ug Visayas human gihatagan siya og lugway hangtud karong Disyembre 31 sa iyang deklarasyon sa mga senador ug mga kongresista atol sa joint session niadtong Sabado?

Alang lagi nako gikinahanglan gyud ang martial law aron masulbad na sa hingpit kining atong problema batok sa mga terorista, rebelde ug mga durugista.

Ang kalig-on sa Maute terrorist group sa Marawi maoy timailhan nga lisud pang sulbaron ang problema sa terorista.

Gawas ning problema sa terorista, migara sab karon ang problema sa illegal drugs ug insurgency sa mga rebelde.

Unsa may kapuslanan pakigsabot sa gobyerno alang sa kalinaw ngadto sa mga kadagkuan sa Communist Party of the Philippines-New People’s Army – National Democratic Front (CPP-NPA-NDF) kung ang ilang trupa sige’g pang-ambush sa kapolisan ug militar?

Akoy nalooy sa tagsa-tagsa ka pamilya sa hepe sa kapolisan sa Guihulngan City Negros Oriental ug sa iyang lima ka mga sakop nga nangamatay sa ambush niadtong Biyernes sa buntag. Paeta gyud!

Kung ang tumong ug tuyo sa martial law sa tibuuk nasud tungod ug alang sa atong seguridad ug kalinaw nga maoy hagdanan sa kalambuan, nganong babagan man?

* * *

Unsa ning plano ni Cebu City Mayor Tomas Osmeña nga bawal nang makasulod sa kinapusurang parte sa dakbayan sa Sugbo ang mga private car sa panahon nga maka-operate na ang iyang BRT kon Bus Rapid Transit?

Pagka-hinanggaw ning maong plano. Sa panahon nga sibilyan na siya makaya kaha niya nga magbalhin-balhin og sakay sa iyang pangidaron?

Kung maghisgot tag kinapusurang bahin sa Siudad apil ang tibuuk down town area sa Colon ug sikbit nga mga kalsada.

Apil na diha sa Cebu City Hall, Basilica Del Santo Niño ug Carbon area.

Apektado ang mga estudyante, ginikanan ug mga magtutudlo sa mga dagkung unibersidad sama diha sa UC, USC, USJ-R ug UV.

Wa gyud ko kasabot nganong i-ban ang mga private car niining mga dapita nga unta wa may BRT dihang dapita kay ang ruta sa BRT mao ang gikan sa

Pardo – N. Bacalso – Osmeña Boulevard –Jones – Fuente Oval – Capitol – Escario – Ayala – Banilad – Talamban vice versa.

Dili kaha risgo atong mga estudyante sa mga mangunguot ug mga criminal nga mapugos nalang sa pagpanglakaw gikan sa BRT station ngadto sa padulngan sa down town area?

* * *

In fairness sa mikandidato pagka Cebu governor nga kanhi radio and TV personality nga si Roliveth Boyet Cortes nga mas nailhang “Klasmyt,” mihimakak sa akong interview niadtong Biyernes sa gabii sa akong radio program sa DYSS Super Radyo sa mga pasangil batok kaniya.

Matud pa ni Cortes nga dakung “foul” ang pasangil nga siya nangangkon nga taga-Bureau of Customs (BOC) ug nang-warta balig 50 mil pesos bugti pagpasulod og trabaho sa usa sa mga aplikante sa BOC.

Si Cortes, 52 anyos ug usa ka Cecilia Lucentales, 62 anyos gipangdakop sa taga Criminal Investigation and Detection Group (CIDG)-Caloocan sa entrapment operation niadtong Miyerkules sa gabii ug gipangkiha sa kasong estafa ug usurpation of authority segun pa ni SPO4 Wirlo Gatoc.
Ambot kung unsay tinuud nga estorya kay gitapin-an man sab sa taga CIDG ang complainant.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: marawi, martial law, NPA

We use cookies to ensure you get the best experience on our website. By continuing, you are agreeing to our use of cookies. To find out more, please click this link.