Gerard Pareja
It all started with my choosing a good wife, pagarpar pa ni LaVar Ball dihang gipangutana siya kon giunsa niya paghimo ang iyang tulo ka mga anak nga lalake ngadto sa pagka bangiitang mga basketbolista.
“I see this tall girl, very attractive, walking down a hallway and I go, ‘I don’t know what we’re going to do, but we’re gonna be doing something!’ Once that was in her head, I had her. I picked a big girl who was beautiful. A big stallion!” Mao kini ang pag describe ni LaVar sa una niyang encounter sa iyang asawa nga si Tina. Afro American si LaVar ug blue eyed blond usab si Tina nga miduwa sag basketball sa college.
Kon wa pa mo kaila ni LaVar Ball, siya ang “stage father” ni Lonzo Ball ang rookie pick sa Los Angeles Lakers.
Layo pa ang draft pick nagpagarpar na daan si LaVar nga ang iyang anak mao nay modala sa duwa sa Lakers kay mao naman kini unya ang ilang point guard.
Gikataw-an siya. Apan nisiaw nuon kini. Mipadayon kini nga si Stephen Curry (two-time MVP sa NBA) dili makabantay sa iyang anak pero sayon ra kinhing duphan ni Lonzo. Ug nidugang pa gyud kini nga pildihon niya si Michael Jordan kon mag one on one sila. Ug hasta ang lolo ni Lonzo mi-intra usab dihang miingon kini nga klaro kuno kaayo nga pildihon si Jordan ni LaVar kon mga one on one sila.
Sila na ang Kardashians of basketball.
Ug miabot ang draft night. Ang Lakers nga maoy nakakuha sa number 2 pick mipili kang Lonzo. Miintra sila sa Las Vegas Summer League. Na MVP si Lonzo ug na champion ang Lakers. Na champion ang Lakers bisan pa man ug wala moduwa si Lonzo sa final game.
Pero matud pa sa mga basketball analyst contagious ug culture-changer ang “pass first” nga dinuwaan ni Lonzo. Ug mao nga bisag wa siya sa korte nagpabilin ang iyang mga pamaagi.
Dili malalis nga si LaVar ang loudest basketball dad ever. Pero matud pas ubang komintarista tininuod ang iyang pagatiman sa iyang mga anak. Duna usay miingon nga pagarapar kini siya basta dunay camera pero kalma ra man kuno kini kon walay media.
Si Magic Johnson nga mao nay President sa basketball operations sa Lakers saksi niani. Gani mapahiubsanon man kini nga miingon kaniya nga mao ra kuno kini iyang mahatag nga training sa iyang anak, dinhi ra siya kutob, ug nga nanghinaut siya nga si Magic na ang modala kang Lonzo sa next level.
Bisan ug dili pa mabalik ang “show time” sa Lakers karong umaabot ang conference pero thanks to LaVar Ball, they are back in showbiz.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
