Where rockin’ horse people eat marshmallow pies
Pag-ingon nila nga “Year of the Wooden Horse,” karong tuiga sa mga ni-subscribe sa lunar calendar, duha ka butang ang nisulod sa akong huna-huna: 1. Ang rocking horse sa mga bata ug 2. Ang kanta sa Beatles nga “Lucy in the Sky with Diamonds” diin ang ulohan ning atong lindug karon gagikan.
Nakurat ako ning pahimangno sa usa ka website: Chinese New Year: those born in the Year of the Horse urged to lie low. Ngano man, kuyaw og masikaran sila sa ilang kabayo?
“If you’re born in the Year of the Horse, you’re clashing with the god so you need to lie low and let it peacefully go past,” nagkanayon ang usa ka expert. Kay matud pa, ang mananap nga kang kansang tuig saulogon maoy
mosaka ug mopatong sa ligid sa padagan sa kinabuhi o astrological wheel ug maoy mo-atubang o mosugat sa ginoo. Mao nga dili kini pa gara-on kay ihulog unya kini sa ginoo ngadto sa tabay sa dimalas.
Pahimangno pa sa maong eksperto: “Don’t get married or make big investments, but go to a lot of weddings and do happy things” kon wooden horse person ka. Midugang usab kini nga di papangitaog bag-ong trabaho ang mga kabayo kids karong tuiga ug nga di sila mosupak o molalis sa ilang boss. Cool ka lang Horsie, stay with the status quo.
Tungod tingali kay ang kahoy masugnod man mao nga nagkanayon ang laing suhito ning lunar calendar nga –“The wooden horse represents fire energy.” Ug tungod kay fire (!) energy man daghang sunog, gubat ug mga volcanic eruptions ang giingong mahitabo sa habagatang bahin sa kalibutan. Nganong sa south man? Tingali kay pabor kinis lubot sa kabayo ug maoy mautotan sa fire energy. Kuyaw sa paig.
Kon dunay fire energy ang wooden horse unsa na kaha ang fire horse? Gawas sa wooden horse duna usay fire horse, water horse, metal horse ug earth horse ang lunar calendar. Mahiligon tingalig lumba ang nagmugna ning lunar calendar. Kini tingaling water horse pang triathlon kay maayo ning molanguy.
Dunay dakong papel ang kabayo sa Chinese mythology. Dunay dragon horse, dragon face (kabayuog nawng?) ug heavenly horses. Ang ako rang nadunggan sa mitos sa ato mao ra man ang kabayo sa Duljo. Aw, naa sad diay tay tikbalang apan murag sa Luzon na gagikan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
