Seryoso na ang gobyerno batok endo

By: Lloyd Suarez May 06,2018 - 09:41 PM

In fairness sa mga kompaniya dinhi sa Central Visayas ubay-ubay na ang mituman sa kagustohan ni Presidente Duterte pagpa-regular status sa ilang mga kawani bisan wa pa mogawas ang Executive Order No. 51 pagwagtang sa endo (end of contract).

Si Vicente Abordo sa Department of Labor and Employment (DOLE-7) mitug-an niadtong Sabado atol sa among programa’ng “Dialogue On The Air” sa DYSS Super Radyo nga miabot na og sobra 8 mil ka mga kawani ang na-regular karong bag-o.

Matud pa daghang kompaniya ang mibolontaryo pag-regular human gigamitan nila og diplomasiya nga sestema.

Nakita sa opisyal nga mas epektibo ang diplomasiya nga paagi kay sa manduan ug pinugsanay pagpa-regular sa ilang mga trabahante.

Subay niini giklaro sa opisyal sa DOLE nga dili na kinahanglang ipatokhang ang mga kompaniya pag-undang sa endo.

Target sa DOLE karon nga sa dili pa mahuman kining kasamtangang tuig makapa-regular na sila og 300 mil ka mga kawani nationwide unya ang quota dinhi sa Central Visayas nga maregular moabot og 21 mil ka mga trabahante.

Sila si Philip Tan sa pundok sa mga negosyante ingon man sila si Art Baritt sa ALU-TUCP ug Jaime Paglinawan sa Ama Sugbo KMU ug Bayan Central Visayas naglaum nga molampos ang Duterte administration sa maong tinguha.

Nagkahiusa sila sa panawagan sa mga kompaniya nga motuman sa labor standards aron makalikay sa laing problema.

* * *
Dili gyud lalim ang sitwasyon karon sa mag live-in partner nga sila si Kenneth Tongol ug Irene Rodriguez nga gihatagan sa Ginoo og upat ka mga anak niadtong Abril 28 nga anaa pa karon diha sa Vicente Sotto Memorial Medical Center.

Ang magtiayon nga may laing anak nga duha na ka tuig didto sa Poro Camotes, na diin-diin intawon sa pagpangayo og hinabang karon ilabina sa gatas kay kuwang ang gatas ni Irene.

Midangop na si Kenneth kang Governor Junjun Davide aron patabang ug gipasaligan nga tabangan gyud.

Dili ko ka imagine sa sakripisyo sa mga ginikanan sa quadruplets ilabina sa pagpadaku kanila.

Ang nindot seguro nga matabang ning magtiayon mao nga kinahanglang hatagan og stable job si Kenneth aron ibuhi sa iyang pamilya.

* * *
Wa na gyud papugong si Cebu Provincial Prosecutor Pepita Jane Petralba sa akong hangyo nga mo-extend siya sa iyang pagpangalagad sa iyang buhatan.

Midayon siya pag-avail sa optional retirement age niadtong Abril 30 taliwa nga batan-on pa.

Ang iyang rason kay daghan pa siyang mahimo sa gawas sa ilang opisina isip usa na ka sibilyan.

Nakadayeg kaayo ko sa iyang leadership kay wa ko’y nadunggan nga corruption sa opisina nga binuhatan sa mga piskal ug iyang mga staff.

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.
Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: batok, Endo, gobyerno, Seryoso

Subscribe to our regional newsletter

By providing an email address. I agree to the Terms of Use and
acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.