Gerard Pareja
Ang Pagkaon, bow.
Ang atong Kinabuhi naa magtuyok sa pagkaon.
Kon wa tay kaon mamatay ta.
Kon mokaon sad tag maayo patay sad ta.
Hinuon mangamatay gyud tang tanan.
Pero kon unsa ka daghan ang lami nga pagkaon ingon sad kadaghan ang mga ginadili.
Likaye ang tamis kon naa kay diabetes.
Hinayhinay sa baboy kon duna kay highblood.
Ang aslum maka ulcer. Ang alcohohol makadaut sa atay.
Tungod niani mura tag namista nga gipusasan.
Dunay miingon nga maayo nilang lawas tungod kay unod ray ilang kan-on.
Di sila mukaog tambuk.
Pero ang tambuk ba gyuy maka tambuk?
Matud pa sa mga gasunod ning Keto diet ang tambuk sa atong lawas wa maggikan sa tambuk ko di sa mga wa mahilis nga carbs sama sa kan-onh humay, pan ug patatas.
Maong niingon sila nga imbis ang tambuk atong likayan ang carbs atong miusan.
Ayaw na pag “unli rice” kon gusto kang mugamay.
Pero matud pas mga kontra ning Keto diet dili natural sa tao ang mukaon og karne.
Matud pa nila wala kitay hait ug talinis nga mga ngipon sama sa naa sa iro ug iring nga ilang pang usab sa karne.
Nianing panahon sa internet ug cable TV ang matawag tag food icon mao Anthony Bourdain.
Siya ang pina akinilang suhito sa mga pagkaon sa tibuok kalibutan. Malingaw og masina ka sa trabaho niya.
Moadto siya sa lainlaing lugar para makig sawo sa pagkaon sa mga molupyo didto. Usas imong katingdad-an mao nga dili dako iyang tiyan bisan pa man sa iyang gipangaon.
Tingali maayo kini siya mo exercise kay usa man kini siya ka martial artist.
Tingali usab dili kaayo kini siya mokaon ko walay shooting kay daghan kini siyag laing mga interest sama sa mga pelikula diin suhito kaayo siya. Labi na sa mga trabaho sa mga na unang director sa sine.
Mosuwat usab siya og modrawing.
Editor ang iyang inahan sa New York Times.
Ug una siyang misikat tungod sa iyang libro nga The Kitchen Confidential. Ang una niyang ambisyon sa wa pa siya ma chef mao man ang makahimo siyag iyang comic book.
Suhito siyas pagkaon apan ang gauna niyang abildad mao ang pagka istoryador. Maayo usab siya mamili og pulong. Sa iyang pagkaon og lechon diri sa Cebu miingon siya nga diri niya matilawi ang “the best pig ever.”
Apan naunsa mang pagka unsaa nga samtang didto siya sa France paras us aka episode sa iyang salida, iya mang gibitay ang iyang kaugalingon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
