Sa 259 ka dakbayan sa tibuok kalibutan nga gipanid-an sa Time Magazine sa padaghanay of selfies, number 9 ang Cebu City.
Miangkon hinuon ang Time Magazine nga dunay limitasyon ang ilang survey. Una, dili selfie ang tanang nakuha nila nga selfie nahitabo lang nga gi-tag selfie ang maong mga hulagway. Ikaduha, ila lang gitipon ang mga selfie sa dug-ol nga lungsod ug dakbayan sa mas dakong sentro nga dakbayan. Nagpasabot nga mga selfie sa Lapulapu, Talisay, Mandaue ug uban pang duol nga lugar gitipon na lang sa Cebu City.
Nagkanayon ang Time Magazine nga dunay 99 ka binuhat sa kada 100,000 nga nanimuyo mo selfie gyud. Ang mga nanimuyo sa Pasig ug Makati City maoy number 1 sa tibuok kalibutan kay 258 sa kada 100,000 kanila ang mo selfie.
Ania ang ubang mga dakbayan nga nasulod sa survey sa Time: 2. Manhattan, New York (202); 3.Miami, Florida (155); 4.Anaheim and Santa Anna, California (147); 5.Petalingjaya, Malaysia (141); 6.Tel Aviv, Israel (139); 7.Manchester, England (114); 8.Milan, Italy (108); 10.George Town, Malaysia (95).
Ang dakbayan sa Baguio ika 16. Unsa may selfie? Ang selfie abbreviation sa self-portrait. Gihimo kini ginamit ang camera sa cellphone, tablet o phablet. Kon lain ang nikuha sa imong hulagway dili na kini selfie.
Kon duha ka dakbayan sa Pilipinas naapil sa Top 10 Selfie Cities, ang tibuok Pilipinas naapil usab sa Top 10 Countries Most at Risk sa Climate change. Ika number 8 ang Pilipinas sa maong lista.
Ang ubang nasud ba naapil sa lista nag-lakip sa 1.Bangladesh, 2.Guinea Bissau sa Africa, 3.Sierra Leone sa Africa, 4.Haiti, 5.South Sudan, 6.Nigeria, 7.DR Congo, 8.Cambodia, 10. Ethiopia.
Giingon nga kining climate change dala sa global warming nga nahitabo tungod sa carbon dioxide emissions o hinungaw sa mga factory, sa tambutso sa mga sakyanan, sa mga daub sa basura, sa alisngaw sa aircon ug uban pa.
Ang kini man gong maong mga hinungaw mokutkot sa ozone layer nga ga protektar sa kalibutan gikan sa init sa adlaw. Mas magka nipis kini, mas magka-init ang kalibutan. Mahilis ang mga Ice ug glaciers sa North ug South poles mao nga daghan ang tubig ug malunopan ang mga Isla.
Ug mobukal ang mga kadagatan hinungdan nga moinit ang hangin ug mas mokusog ang mga bagyo nga magdala na og mga killer storm surges sama sa nasinati sa Samar ug Leyte niadtong bagyong Yolanda.
Matud pa ni anhing Father Tropa, nag-sige man gud tag hangad sa taas nakalimtan nato ang ubos. Mahimo ta kining sabton nga sa atong pagkugod sa kalambuan pinaagi sa teknolohiya wa na lang nato panumbalinga ang mga kadaut nga posibleng makadaut sa atong tugkaran.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
