Remedios Sarmiento, 74, mango vendor
“Unsa man imong panaad Kang Senyor Santo Niño, nay?”
“Wala na koy panaad kay natuman na tanan nakong gipangayo sa Señor.
Gi-cesarean ko sauna pag panganak nako sa akong anak nga laki. Ana ang doctor na naa siyay hydrocephalus. Atol to nga pista sa Senyor, 1974.
Okay na akong anak karon. Naa na gani siyay iyahang mga anak nga nahuman na og skwela. Naa ron siya sa Cordova nagtrabaho.
Daghan kaayo akong gipangayo nga gituman sa Balaang Bata. Ingon tong babayi nga akong nakastorya, “Unsaon man nimo pagprove nga natuman imong pangayo?” Ang ako lang anak nga naay hydrocephalus sauna.
Naa koy tulo ka anak. Ang kinamanghuran ang naay hydrocephalus. Nakuratan gyud ko sauna pagkita nako kay dako mag ulo, unya baga kaayog balahibo! Nagtubo siya, dili siya kadaug sa yang ulo.
May gani kay na da og ampo! Ingon man ang iyang doctor na ang kinatas-an nga edad sa adunay hydrocephalus nga mabuhi kay kinse años ra. Pero karon kay naabot na siya og 40 años!
