Dunay usa ka 22 anyos nga lalake sa Santa Barbara, California nga naghimo og video sa YouTube nga mipahungaw sa iyang kahiubos ug ingon man sa iyang laraw nga mopatay og mga tawo sa usa ka shooting rampage.
Ug pagkasunod adlaw, iyang gihimo ang iyang plano. Tingali dili gyud kayo tugma apan mipatay siyag unom ug miangol sab og pito sa wa pa niya pusila ang iyang kaugalingon sa ulo.
Unsay hinungdan sa iyang kalagot? Naglagot siya nga wa gyud kunoy babaye nga ganahan niya hinungdan nga virgin lang gihapon siya sa edad nga 22 anyos.
Ang maong lalake mao si Elliot Rodgers nga anak sa usa ka set director sa pelikulang “The Hunger Games.” Ang iyang inahan giingong iring-iring kaniadto sa Star Wars director nga si George Lucas. Tungod nianing maong mga connection, gitawag siya nga insider-outsider sa Hollywood. Duna siyay access sa mga kalihokan sa showbiz capital apan wa siyay labot niani.
Kataw-anan ug makahadlok ang iyang gihimong video. Dili man siya ngil-ad og dagway. Duna siyay nindot nga sakyanan. Duna siyay igong salapi nga makapalit og tulo ka pusil. Kun tourjax ray iyang problema, syaro naman sab og wa gyuy burikat sa Santa Barbara, California. Niari pa lang siya sa Asia, layo rang semana, mabunyagan to siya.
Tungod ning mga punto nga akong gihisgotan sa ibabaw, misugyot ang hanggaw nga Fox News nga basig maya-maya kining buang ug mao nga grabe kaayo ang iyang kalagot sa mga babaye. Labi na kay dunay pagtuon nga mibutyag nga kasagaran sa mga maya-maya nga maminyo mahimong wife-beater. Apan matud pa sa ubang news networks, sa tanan niyang gipang-post ug gipanuwat, walay usa nga misugyot nga homosexual si Elliot Rodgers.
Nakasulod siya tungod sa iyang mga connection, sa premiere sa bag-ong Hunger Games nga salida ug ingon man sa usa ka private concert ni Katie Perry pero imbis malipay siya, iya naman hinuong gi-post ang iyang gibating kasina sa mga adunahang batan-on nga ka edad niya nga nanambong usab sa maong mga events.
Buangon lang gyud diay intawn kining batan-on nga Rodgers, kay sa nag-edad pa siyag 8 anyos, duna na siyay session sa usa ka psychiatrist. Ug sa higayon nga hapit na siya mamusil, duha ka psychiatrist ang ga-atiman kaniya.
Medyo di usab kaayo moplano si Rodgers kay bisan sa iyang mga kalagot sa mga babaye, duha ra man ka babaye ang iyang napatay ug upat man hinuon ang lalake. Tulo kanila ang iyang mga roommate nga iyang gipangdungab kay gisabaan siya sa ilang video games. Puros Asian og apilyedo ang iyang mga roommate nga gipamatay.
Misugyot ang usa sa mga ginikanan sa mga biktima nga ipatuman na ang gun control sa America.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
