Celebrities

True ba, Erich Gonzales ikakasal na sa non-showbiz dyowa?

True ba, Erich Gonzales ikakasal na sa non-showbiz dyowa?

NAUNA pa ngang mag-kasal reveal ang mga Marites ng bansa kay Erich Gonzales matapos kumalat ang larawan ng kopya ng kanyang marriage banns.

Kalat na kalat na nga sa social media ang kopya ng kanyang marriage banns kung saan makikitang ikakasala na siya sa kanyang non-showbiz dyowa na si Mateo Rafael Lorenzo.

Bukod rito ay makikita rin ang ilang mga detalye sa kumakalat na kopya ng marriage banns gaya ng mga pangalan ng magulang, address, at edad na tumutugma naman sa information ukol kay Erich.

Base sa larawan ay nakatakdang magpakasal ang dalawa ngayong March 23, 2022 sa Saint James the Great Parish na matatagpuan sa Alabang, Muntinlupa City.

Ang marriage banns ay ang anunsyo ng isang simbahan para ipaalam sa publiko ang nalalapit na kasal ng dalawang tao.

Nang i-stalk namin ang social media accounts ni Erich ay wala namang siyang senyales sa kanyang nalalapit na kasal.

Kahit ang latest vlog niya na uploaded ngayong araw ay tungkol lamang sa isa sa kanyang mga endorsements.

Wala pa ring pahayag si Erich ukol sa napapabalitang kasal niya sa social media.

TAGS: Erich Gonzales
Latest Stories
Most Read