“Any idiot can father a child, and too many of them do. I believe in adoption and doing as much as we can for the kids who are already here.” –Wilt Chamberlain
Nadungan sa pagsugod sa basketball career ni Wilt Chamberlain ang kadlawn sa political rights sa mga Afro Americans, ang kadlawn sa sexual revolution ug ingon man ang pagsugod sa celebrity status sa mga basketball player.
Pero dili sama karon diin open ra kayo sa ilang relasyon sila ni Swaggy P ug Iggy Azalea (ug si Ariana Grande ug Big Sean) taboo pa niadto sa panahon ni Chamberlain ang inter racial coupling. Mao kon dunay makursunadahan si
Chamberlain nga blond nga motambong sa iyang duwa iyang sugo-on ang referee pagkuha sa number niani.
Maingon nga ang kinabuhi ni Wilton Norman Chamberlain ga revolve sa mga numero. Ana-a ang 7’1 nga mao ang iyang official height sa National Basketball Association (NBA). Ang lisud nga makalimtan nga 100 maoy iyang puntos sa usa ka duwa ug hangtud karon nagpabiling pinaka-daghang puntos nga nahimo sa usa ka player sulod sa usa ka duwa sa maong liga. Dayon ang maka-buang nga 20,000 nga maoy gipanghambug ni Chamberlain nga gidaghanon sa mga babaye nga iyang nadug (wala pay AIDS niadto). Ug ang katapusang numero nga iyang gi-angkon ang 0 niya nga liwat. Nagkanayon ang higante nga –there will never be any little Wilt.
Apan ning bag-ohay lang, mipagawas ang Sports Illustrated ug artikulo kabahin sa usa ka 50 anyos nga graphic artist nga may gitas-ong 6’5 nga mi-ingong anak siya ni Wilt Chamberlain.
Matud pa ni Aaon Levi nga bata pa siya nakahibawo na siya nga adopted siya. Ug dihang hamtong na siya, iyang gisugdan pagpangita ang iyang mga biological parents. Gikan sa “non identifying records” nahibaw-an niya nga British diay ang iyang mama ug nga usa ka Afro American pro basketball player sa San Francisco ang iyang amahan nga may gitas-on nga 6’10. Giingon nga duna kini master’s degree sa Kansas.
Ang Warriors ra maoy pro basketball team sa San Francisco naidtong panahona, Si Wilt Chamberlain ray Afro American player nga dunay height nga mo-abot ug mo-apas sa 6’10. Ang sinukdanay sa NBA apil ang sapatos. Walay master’s degree si Chamberlain apan matud pas mga naka-ila kaniya, kusog kini manghambug basta chicks na maoy ka istorya.
Dihang nahimamat ni Aron ang iyang inahan, ni-angkon kini nga produkto siya sa usa ka one night stand uban sa “charming” nga Chamberlain. Ug gipa-adopt siya sa iyang mama kay lisud kuno ang pagbuhi og bi-racial nga bata niadtong panahona labi na sa England.
Apan ang duha ka mga igsuon nga babaye nga igsuon ni Chamberlain dili buot makig himamat kang Aron. Miingon sila nga wa na silay labot ni Aron labi na kay niadtong 1999 pa namatay si Chamberlain.
Sama sa iyang playboy nga papa, wala sad ma minyo ang gay artist nga si Aron.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
