Vice Ganda at ang babaeng contestant sa ‘It’s Showtime’
NAWINDANG ang Phenomenal Box-office Star na si Vice Ganda sa babaeng contestant sa “It’s Showtime” nang batiin nito on national TV ang kanyang “kabit.”
Pinagalitan ng TV host-comedian ang isang studio contestant sa kanilang segment na “Rampanalo” kahapon, August 30, nang mag-shoutout ito sa kanyang mister, na tinawag niyang “kabit”.
“Shoutout sa asawa ko… ay sa kabit ko, sorry,” ang pasigaw na pagbati ni Jennylyn. Mabilis naman siyang pinagsabihan ni Vice Ganda.
“Uy, no! Hindi natin sina-shoutout ’yun. That’s very wrong. Okay. Hindi ipinagmamalaki ’yan ate,” ang talak ng komedyante kay ate girl.
Agad namang nag-sorry ang female contestant pero ang sabi sa kanya ni Vice, “Kahit na, hindi, hindi maganda yung salitang ’yon, lalo na sa tanghali. Ano ka ba, ang dami na naming issue, dadagdag ka pa. Babu!”
“Sorry, sorry Meme Vice,” ang sey naman ng contestant.
“Yes. We don’t normalize and romanticize that,” sabi pa sa kanya ng TV host.
Real Talk
Nauna rito, isang lalaking contestant din ang ni-real talk ni Vice na umaming may 12 anak sa iba’t ibang babae.
“Parang isang basketball team. Ito yung mga Pilipinong sumusunod kay Sen. Bato (dela Rosa) na magparami raw ng population para maghati-hati sa utang ng Pilipinas. At isa ka sa mga sumunod,” ang natatawang sabi ni Vice sabay kunwari’y kinurot at hinampas ang kaharap na contestant.
Sabi ng lalaki, nasa pangangalaga niya ang walo sa kanyang mga naging anak sa huli niyang nakarelasyon habang nasa mga dati niyang partner ang natitirang apat.
Paalala ni Vice, hindi tama ang mag-anak ng marami kung hindi naman kayang mabigyan ng mga magulang ang mga ito ng maayos at magandang buhay, “Masama ang magpunla ng iba’t ibang pananim sa iba’t ibang lupain!”
Maraming anak
“Mayaman ka ba kuya?” sundot na tanong ni Vice na sinagot naman ng contestant ng, “Hindi po.”
“Yun naman pala, e! Kapag mahirap wag na masyadong maraming anak kawawa yung mga bata kung hindi mo mabibigyan ng magandang-magandang buhay,” sabi ni Vice Ganda.
Hanggang ngayon ay wala pang desisyon ang Movie and Television Review and Classification Board (MTRCB) tungkol sa sunod-sunod na reklamong natatanggap nila laban sa “It’s Showtime.”
RELATED STORIES
MTRCB summons ‘It’s Showtime’ producers over ‘indecent acts’ by Vice Ganda, Ion Perez
Husband, mistress land in jail after wife catches them in the act inside Carcar inn
