PHOTOS: Facebook/ABS-CBN
Nag-abot ang mga sikat kaayo nga artista sa Kapamilya network para sa gikahinaman nga ABS-CBN Ball 2023 niadtong adlaw nga Sabado, Septyembre 30, sa Makati Shangri-La hotel kung diin gisaulog usab ang ilang mga achievements sa entertainment industry.
Kini ang nahimong comeback sa ABS-CBN Ball sukad niadtong 2018 nga nahunong kadali tungod sa daghang problema apil na ang COVID-19 pandemic ug ang wala paghatag sa network og broadcast franchise niadtong 2020.
Ug tungod kay lima ka tuig ang milabay una nabalik ang maong kalihukan, nagpatalbugay gyud nga mi-rampa sa red carpet ang uban sa mga artista.
Ania ang hulagway sa pipila ka mga artista og ang bongga kaayo nila nga gisul-ob:
Jodi Sta. Maria
“Vision in white” ang peg ng aktres nga si Jodi Sta. Maria sa iyang backless long gown.
Maricel Soriano
Simply apan elegante kaayo ang look ni Diamond Star Maricel Soriano sa iyang all black off-shoulders gown.
Daniel Padilla
Astig kaayo ang edgy look sa aktor nga si Daniel Padilla nga giparisan niya sa iyang iconic shades.
Kathryn Bernardo
Makalingi gyud ka sa kasexy sa gisul-ob sa Box-office Queen nga si Kathryn Bernardo nga mura og modern day warrior princess.
Ivana Alawi
Effortlessly gorgeous ang vlogger-actress nga si Ivana Alawi sa iyang all-white long gown nga adunay mga perlas.
Maymay Entrata
Kabog kaayo ang puwa nga long gown sa multi-talented nga si Maymay Entrata nga mura og high fashion queen ang peg sa iyang OOTD.
Andrea Brillantes
Puno sa glitters ang red gown nga gi sul-ob sa Kapamilya young star nga si Andrea Brillantes.
Coco Martin, Julia Montes
Mura og twinning ang OOTD sa real-life couple nga sila si Julia Montes ug Coco Martin nga naka-all black outfit.
Nag gunitay pud og kamot ang duha sa ilang pag rampa sa red carpet.
BGYO
Black and white ang tema sa Pinoy Pop group nga BGYO sa ilang gi sul-ob nga tuxedos.
Regine Velasquez, Ogie Alcasid
Glamoroso kaayo ang Filipiniana-inspired look with a twist sa Asia’s Songbird nga si Regine Velasquez, samtang gwapo usab kaayo sa iyang formal wear ang iyang bana, ang singer-actor nga si Ogie Alcasid.
KZ Tandingan, TJ Monterde
Cool kaayo sa ilang twinning elegant outfits ang magtiayon nga singer nga sila si KZ Tandingan ug TJ Monterde.
Maris Racal, Rico Blanco
Present usab sa maong event ang mag-uyab nga sila si Maris Racal ug Rico Blanco.
Glittery ang look ng aktres sa iyang gold ug blue-colored long gown.
Baron Geisler
Malipayon kaayo ang batikang aktor nga si Baron Geisler nga naka-all black sa iyang pagtambong sa ABS-CBN Ball.
Kini mao ang ubang higayon nga naka tambong siya pag-usab sa maong Ball human sa 14 ka tuig nga ban sa engrande kaayo nga kalihukan.
Maja Salvador, Rambo Nunez
Gwapa usab kaayo ang aktres nga si Maja Salvador sa iyang black satin gown nga adunay white “tulle.” Kauban niya ang iyang bana nga si Rambo Nunez nga dashing-looking sa iyang formal wear.
Catriona Gray
Pina-classic Hollywood style ang peg sa gisul-ob ni Miss Universe 2018 Catriona Gray.
Joshua Garcia
Dashing ug gwapo kaayo si Joshua Garcia sa iyang pagrampa sa red carpet.
Seth Fedelin, Francine Diaz
Nagkuyog nga mi-rampa sa Ball sila si Francine Diaz ug Seth Fedelin nga mga eleganteng kaayo tan-awon.
Donny Pangilinan, Belle Mariano
Maka-wow kaayo ang gisul-ob sa love team couple nga sila si Belle Mariano ug Donny Pangilinan nga mura og prinsesa ug prinsipe nga misalmot sa maong event.
Kim Chiu
Ang Chinita Princess nga si Kim Choiu nagsul-ob og bejeweled corset dress nga may pagka-nude ang kolor.
RELATED STORIES
#Kabogera: Heart umabot ng P28-M ang suot na OOTD at accessories sa GMA Gala 2023
Anne Curtis looks “Annegelic” as she attends Paris Fashion Week for first time
