Human ang siyam ka tuig, mobalik na sa pagbuhat og mga teleserye ang TV host-actress nga si Anne Curtis.
Gipahibaw sa official Instagram account sa Kapamilya Online World nga si Anne ang mamahimong bida sa Philippine adaptation sa Korean hit nga “It’s Okay to Not Be Okay.”
Makauban niya sa maong serye ang mga Kapamilya stars nga sila si Joshua Garcia ug Carlo Aquino.
“Joshua Garcia, Carlo Aquino and Anne Curtis will headline the Philippine adaptation of the 2020 hit South Korean series of Netflix, #ItsOkayToNotBeOkay,” matud pa sa pahibaw sa Kapamilya Online World nga gikuyogan og collage picture sa tulo.
“This will serve as Anne’s comeback series in ABS-CBN after 9 years!” dugang pa sa maong post.
View this post on Instagram
Daghan ang nalipay sa maong pahibaw. Ania ang reaksyon sa ubang netizens sa pagbabalik ni Anne sa pagpamuhat og teleserye:
“This is a perfect role for Anne… I think Carlo will play the role of Kim Soo Hyun while Joshua will play the autistic brother…”
“Bagay kay Anne but I’m not sure about Carlo and Joshua.”
“Very challenging ‘to na character for Anne …wish her the best..”
“Si Anne talaga ang perfect sa female lead dito. Carlo and Joshua both talented actors pero Joshua is overexposed na. Maiba naman sana.”
Niadtong tuig 2020 gipagawas ang Korean series nga “Its Okay To Not Be Okay” sa Netflix.
Kini dunay 16 ka episodes og gibidahan nila ni Kim Soo-hyun ug Seo Ye-ji.
Ang maong serye mahitungod sa duha ka taw nga nagkahigugmaay. Ang ilang panaghigugmaay mao usab ang nakatabang kanila nga ma overcome ang ilang emotional ug psychological trauma.
Sa paggawas niini, nisaka dayon sa Top 10 sa Netflix Philippines ang “It’s Okay to Not Be Okay.”
Na taud-tauran una makumpleto sa ABS-CBN ang lista sa mga bida para sa adaptation sa maong Korean series.
Kun mahinumduman, ang maong proyekto pagabidahan unta sa kanhi loveteam nga sila si Liza Soberano ug Enrique Gil kinsa nailhan usab isip “LizQuen.” Apan wala kini madayon tungod kay nausab ang mga plano ni Liza nga gusto na nga ipadayon ang iyang Hollywood dream.
Sunod nga napilian si Erich Gonzales apan wala usab madayon ang iyang pagdawat sa maong teleserye nga gihatag na karon kang Anne nga mao na ang modala sa role ni “Ko Moon-young.”
RELATED STORIES
Anne Curtis to rock California with ‘Luv-Anne’ concert
Anne Curtis looks “Annegelic” as she attends Paris Fashion Week for first time
LOOK: Anne Curtis is a ‘cool mum’ in 38th birthday shoot
