Daghan ang nakakita kang Presidente Ferdinand “Bongbong” Marcos Jr. nga mitan-aw sa Coldplay concert niadtong Biyernes, Enero 19.
Matud pa sa balita sa Bandera nga kauban niya ang iyang asawa nga si Liza Araneta-Marcos sa pagtan-aw sa concert sa British rock band nga gipahigayon sa Philippine Arena.
Ang maong lakaw ni Marcos ug sa iyang asawa gi-kumirma sa Presidential Communications Office.
Daghan ang mihatag dayon sa ilang mga reaksyon sa maong isyu apil na ang paggamit kuno ni Marcos og chopper sa iyang pag-adto sa Philippine Arena.
Giingon nga sakay sa tulo ka chopper si Marcos ug ang iyang asawa apil na ang ilang mga kauban nga VIPs sa pagtan-aw sa Coldplay concert.
“Mind you, di lang isa ang gamit. Kaya pala ang mahal ng tax ko para may pang heli at concert tix sya,” matud sa usa ka netizen.
Adunay lain nga miingon, “Di man ako nakapunta sa coldplay concert, nagamit naman ang tax natin para makapunta si b/bm naka helicopter pa ayus.”
“tax refund sana hahhahahaha wala naman mabuting napupuntahan tax,” dugang sa lain pa.
Apan bisan og gi kumpirma na sa PCO ang pagtan-aw ni Marcos ug sa iyang asawa sa moang concert, wala pay gihatag nga katin-awan ang maong opisina kun tinuod ba ang issue sa ilang pagsakay kuno sa chopper kauban ang lain pa nga mga VIPs.
RELATED STORIES
Bongbong Marcos leads inauguration of Cebu’s national museum
Bongbong Marcos’ foreign trips yield P4-T worth of investments
Marcos calls for solidarity, optimism in New Year’s message
Bongbong Marcos orders tourism consolidation
