Mayor Albee dili uyab si Ivana; mayor naay laing ka iring-iring
Angeli Khang, Mayor Albee Benitez, Ivana Alawi
CENTER of attraction karon ug paboritong sumsuman sa mga Marites ang businessman-politician nga si Bacolod City Mayor Albee Benitez.
Kini human nabalita nga uyab niya ang Kapamilya sexy actess nga si Ivana Alawi nga kuno kuyog nga nagbakasyon ang duha bag-ohay lang sa Japan.
Pero base sa impormasyon nga niabot kanamo, dili kuno tinuod ang giingong relasyon kuno nilang Mayor Albee ug Ivana.
Sigon sa among tinubdan, dili kuno si Ivana kun dili lain nga sexy star ang kauban sa mayor sa iyang biyahe ug dili kuno kini sa Japan.
Yes, yes, yes mga ka-Marites! Dili si Mayor Albee ang giingon ni Ivana nga bag-o niining boyfriend sa usa ka interview. Wala gyud kunoy relasyon ang duha ka personalidad.
Baka Bet Mo: Allan K nagka-girlfriend noon sa Bacolod: What if kung totoo ngang may anak ako, ‘di ba?
Basin kuno nasaypan lang nga si Ivana ang kauban sa mayor sa pag biyahe niini sa gawas bag-ohay lang pero sigun sa among source, usa usab ka sexy star nga gikan sa Vivamax ang kauban ni Mayor Albee.
Ang pangutana: true kaha nga ang Vivamax Queen nga si Angeli Khang ang giingon nga mestisang babaye nga nali-link karon sa businessman-politician?
Angkonon kaha ni Angeli ang maong chika? Siya jud kaha ang babayeng nakit-an nga kuyog ni Mayor sa pagsuroy-suroy niini sa sa abroad?
Unsa man usab kahay komento ni Mayor Albee sa giingon sa mga netizens nga talbog pa niya ang mga matinee idol sa showbiz tungod sa mga na link niini nga mga sexy stars?
Sa mga di pa aware, kaila na sa mga taga-showbiz si Mayor Albee tungod kay siya ang tag-iya sa Brightlight Productions pero sa pagkakaron dili na kini kaayo active sa operasyon sa kompanya.
Dugang Chika: Ivana Alawi dunay bag-ong uyab: ‘My heart is happy’
Ang chika, plano kuno niya nga magtukod ug laing entertainment production. Posible kahang mag-venture si Mayor sa pag-produce og pelikula? Well, abangers na lang ta sa sunod nga kabanata!
Una nang nagpagawas og official statement ang mayor bahin sa paglink kanilang Ivana.
“In my private capacity as a film and TV program producer, my professional interaction with various celebrities is inherent to the nature of the business.“At this moment, my primary focus is on safeguarding the interests of Bacolod City,” matod pa ni Mayor Albee.
READ: Ivana Alawi drops quote on ‘false accusation’ amid being linked to politician
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
