PHOTO: Instagram/@justsarahgph
Ang Pinay pop icon nga si Sarah Geronimo ready na nga mohimo og history.
Siya man god ang pinakaunang Pilipino nga mahatagan og recognition sa “Global Force Award” sa Billboard’s Women in Music sukad pa sa dihang nagsugod kini niadtong 2007.
Ang maong good news gibandera mismo sa Billboard sa social media pages.
Matud pa sa American entertainment and music magazine, si Sarah kay apil sa mga lista sa honorees kauban ang Italian singer-songwriter nga si Annalisa ug Brazilian singer-songwriter nga si Luisa Sonza nga makadawat sa parehas nga award.
Pinaagi sa X (kanhi Twitter), nipadayag sa iyang pasalamat ang OPM superstar sa maong award-giving body.
Basin Bet Ni Nimo: Kathryn Bernardo kinilala sa Seoul International Drama Awards, wagi ng ‘Outstanding Asian Star’
Matud pa niya, gitanyag niya ang nadawat nga award para sa matag usa sa mga Filipino artists nga nagpadayon nga nangandoy.
“Honored and grateful to be one of the recipients of Billboard’s Global Force Award,” matud pa sa caption niya.
Niingon pa gyod siya nga, “This recognition belongs to every dreamer and amazing Filipino artist we have.”
“Mabuhay ang OPM! Mabuhay ang Pilipinas! Maraming salamat, Billboard PH!” matud pa sa iyang post.
Honored and grateful to be one of the recipients of Billboard's Global Force Award. This recognition belongs to every dreamer and amazing Filipino artist we have. Mabuhay ang OPM! Mabuhay ang Pilipinas! Maraming salamat, Billboard PH!! 🇵🇭 https://t.co/MNPyQCJ6WG
— Sarah Geronimo (@JustSarahG) February 24, 2024
Basin Bet Ni Nimo: Ngano man nga si Matteo ra ang nipost sa anniversary message, unsay nahitabo Sarah?
Mao ni ang lain lain nga mga international artists nga girecognize sa Global Force Award:
Woman of the Year
Karol G
Powerhouse
Charli XCX
Hitmaker
Ice Spice
Icon
Kylie Minogue
Visionary
Maren Morris
Group of the Year
K-pop girl group New Jeans
Producer of the Year
Pink Pantheress
Breakthrough
Tems
Rising Star
Victoria Monet
Impact Award
Young Miko
Sa paglabay sa mga katuigan, girecognize si Sarah sa mga lain-laing mga international award-giving bodies.
Apil na niini ang Awit Awards, Mnet Asian Music Award, MTV Europe Music Award, World Music Award, Classic Rock Roll of Honour Award, ug daghan pang uban.
Wa pa nay labot sa iyang malampuson nga music career, nibida sab siya sa uban nga hit movies sama sa “Bituing Walang Ningning,” “A Very Special Love” at “Miss Granny.”
Gischedule nga molupad padung Los Angeles, California si Sarah sa umaabot nga March 6 para personal nga madawat ang maong award.
Ang awarding ceremony kay ipahigayon sa YouTube Theater ug matan-aw kino sa website sa Billboard sa sunod adlaw nga gipahigayon ang maong awards show.
