Duha ka Asian porn stars ang na headline karon.
Walay apil si Maria Ozawa nga mi paso sa Philippine FHM show ug nga maoy gibasol ni Mariel Rodriguez nga nakuha ang anak nila ni Robin Padilla ning maong taho.
Wala puy labot ning maong mga headlines ang Russian Japanese nga si Rola Misaki nga mihimakak sa hungihong nga moundang na siya sa adult cinema para mahimong personal secretary sa usa ka milyonario sa China.
Wa ka maka-ila ning maong mga personalidad? God bless your soul and may you stay wholesome while on Earth. Daku usab og purohan nga wa ka makaila ning duha nga na headline karon.
Ang na headline mao sila ni Yui Hatano ug Sunny Leone. Ug na headline sila sa lainlaing mga rason.
Ang Indo-Canadian nga si Leone na balita human miingon ang pangulo sa Communist Party of India nga si Atul Kumar Anjan nga makapa awhag og rape ang iyang strawberry flavored condom ad sa TV. Midugang ang maong parliament member nga angay tangtangon ang maong commercial. Wa madugay mi-react dayon sa social media ang mga taga India. Usa kanila mitawag ni Anjan og “idiot.” Diha usay niingon nga usa lang siya ka “irrelevant fool” nga nanguhag media attention.
Matud sa usa ka babae nga aktibista: “Comrade – rape is caused by men’s sense of entitlement and lack of concern for women’s autonomy and consent. Not by pornography, naked women or any other ‘provocation’.”
Nangayog pasaylo si Anjan sa mga supporter ni Leone apan mopadayon kuno siyag supak sa pag pasundayag sa maong TV ad nga bulgar alang kaniya.
Sa bahin ni Yui Hatano, nabalita siya tungod kay ang iyang hulagway maoy gi-printa sa prepaid swipe cards para sa public transportation sa Taipei, Taiwan. Dunay duha ka edition kining maong swipe cards ni Hatano: Angels ug Demons. Ang dakong supak ning maong mga cards mao ang mga politiko, women’s groups ug mga ginikanan nga dili buot makakita ang ilang mga anak niani bisan pa man og wala maghubo si Hatano ning maong mga swipe cards.
Nagkanayon si Hatano: “Just because I’m an adult video star, does that mean I can’t participate in charity activities and contribute to society? Can’t I use action to repay the love for me from Taiwan?”
Matud pa Easycard nga maoy naghimo niani nga ihatag ang abot niani ngadto sa usa ka charity. Maurag dakug matabang sa charity kining maong mga card kay na sold out dayun kini sa adlaw mismo nga migawas kini.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
