Gerard Pareja
I give her all my love/That’s all I do,” kanta pa ni Paul McCartney sa The Beatles, “And if you saw my love/You’d love her too.” Gipahinugod sa bahista kining iyang composition nga “And I Love Her” para sa iyang uyab naidto, ang British actress nga si Jane Asher.
Gawas sa mga lalake nga composer, ang mga babae nga singer-songwiter kusog usab mopahinugod sa ilang mga awit.
Ang gipahinungdan ni Joni Mitchell sa iyang “Carey” mao ang iyang hinigugmang American expat nga kusinero sa Greece.
Ang “You’re so Vain” ni Carly Simon para kuno kang Warren Beatty ug sa usa ka binuhat nga gihinganlag David.
Not exclusively heterosexual kining bisyo sa pahinungod. Usa ka cross dresser nga bayot sa mga avant-garde films niadto nga si Candy Darlin gihimuag kanta ni Ray Davies sa The Kinks (“Lola”) ug ni Lou Reed (“Take a Walk on the Wild Side”.)
Gipanghimakak ni Davies nga nagka date sila ni Darlin.
Pero dili tanang gipahinungdan mga target sa romantic love.
Ang kanta ni Stevie Wonder nga “Isn’t She Lovely” para sa iyang bag-ong natawo nga anak babaye niadtong tungora. Samtang ang “Tears in Heaven” ni Eric Clapton para sa iyang kwatro anyos nga anak nga lalake nga namatay human mahulog sa taas nga balcony.
Sa batan-on pa si Clapton naibog siyag maayo sa asawa ni George Harisson nga si Patti Boyd nga gihimuan niya kini niyag kanta nga “Layla.”
Gihimuan usab si Boyd ni Harisson ug kanta nga “Something.” Nine years after mibiya si Boyd kang Harisson ug mitipon ni Clapton apan nagbuwag ra usab sila.
Bisan pa man ug wa siyay tinguha niani gihimuan ni Buddy Holly ang asawa sa iyang drummer ug mga kanta: “Peggy Sue” ug “Peggy Sue Got Married.” Ang “Don’t Walk Away Renee,”
Duna say gipangbalibaran sa ilang mga gipahinungdan. Ang “Athena” ni Pete Townshend sa The Who ug aka pahungaw sa iyang kaguol human siya balibare sa actress nga si Theresa Russell.
Duna say pahinungod nga “In Memory” na lang sama sa Photograph sa Def Leppard nga para kang Marilyn Monroe ug ang remake sa Candle in the Wind gihimo ni Elton John para kang Princess Diana. Unang gihimo ni John ang maong kanta para usab kang Monroe.
Ang rayna hinuon karon sa pahinugod mao si Taylor Swift. Mauraa ang tanan niya nga mga “ex” iyang nga nahimuan og kanta sa pagmahay.
Kining maong lindog akong ipahingod sa mga way lingaw nga mibasa niani. Hinaot nga nalingaw mo nianing atong gossip as history trivia.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
