Usa patay, duha na angol sa aksidente sa Mandaue
| photo courtesy of Mandaue City Police Office
Cebu City, Philippines — Patay and usa ka engineer samtang laing duha ang naangol sa aksidente sa kadalanan sa dakbayan sa Mandaue, Huwebes sa buntag, Marso 7, 2019.
Matud ni Police Staff Sergeant Maximo Moneva Jr., kinsamaoy naghawid sa maong kaso, ang patay giilia nga si Elbert Chan, 33, usa ka engineer ug lumulupyo sa dan Borbajo, Barangay Talamban, Cebu City.
Naglakaw si Chan sa daplin sa dan SB Cabahug sa Barangay Guizo sa dihang naligsan kini sa jeep na gimaneho ni Renato Llanos, 58, na gituohang nawad-an og brake.
Ang mga na angol naila nga sila si Frances Agnes Catalan, 26, lumulupyo sa Barangay Tisa, dakbayan sa Sugbo, ug Daphny Mosqueda, 53, ug taga-Barangay Opao ning dakbayan.
Sila si Bacatan ug Mosqueda puros pasahero sa jeep nga gimaneho ni Llanos.
Sigon ni Moneva, ang jeep ni Llanos nagsubay sa dalan sa S.B. Cabahug padulong unta sa A.Del Rosario sa wala pa kini maaksidente.
Giingong kusog ang impact sa pagkabangga sa jeep ngadto kang Chan hinungdan sa iyang kamatayon.
Si Llanos kasamtangang gibalhog na sa prisohan sa Mandaue City Police Office samtang nagpaabot nga pasakaan og kaso nga reckless imprudence resulting to homicide, multiple injury and damage to property. /bmjo
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
