![Angelica Panganiban nakigminyo na kang Gregg Homan.](https://entertainment.inquirer.net/files/2024/01/dotnet-banner-2024-01-01T134428.842-620x413.png)
Angelica Panganiban nakigminyo na kang Gregg Homan.
Gisugat ni Angelica Panganiban ang bag-ong tuig nga usa na ka minyo, human siya magpakasal sa iyang non-showbiz partner nga si Gregg Homan sa US, sobra usa ka tuig sukad sa ilang engagement.
Si Angelica mipahibaw sa iyang kaminyoon kang Gregg pinaagi sa iyang Instagram account niadtong Lunes, Enero 1.
Mipakita usab siya og mga hulagway nga kuha sa ilang espesyal kaayo nga adlaw.
“123123,” iyang gisuwat sa caption nga nagpasabot sa adlaw sa iyang kaminyoon niadtong Disyembre 31, 2023.
View this post on Instagram
“Patuloy na mananalig at maniniwala sa pag-ibig. Sa kabila ng lahat. Ang pagmamahal pa rin ang kakapitan. Maligayang bagong taon – Mrs Angelica Panganiban Homan,” sey ni Angelica sa caption sa iyang IG post.
Apan wala na siya mohatag og dugang detalye sa iyang kasal.
Human sa iyang IG post, daghan sa iyang mga celebrity friends ang mi-greet kaniya apil na sila si Marian Rivera, Vhong Navarro, Barbie Imperial, Luis Manzano, Bela Padilla, Carla Abellana, Zanjoe Marudo, Chynna Ortaleza, Liz Uy, Sunshine Garcia ug Iza Calzado.
Image: Screengrab from Instagram/@iamangelicap
Image: Screengrab from Instagram/@iamangelicap
Ang makeup artist nga si Telay Robles, nga higala ni Angelica, miingon sa iyang Instagram Story nga nagpakasal ang magtiayon sa US.
Image: Screengrab from Instagram/@telayrobles
Sila si Kim Chiu ug Bela Padilla, kinsa mga suod nga higala ni Angelica, mipahibaw usab sa kasal nga nahitabo sa Los Angeles, California.
View this post on Instagram
View this post on Instagram
Mipakita sila og mga hulagway diin nagsul-ob sila og white blazers ug maxi skirts atol sa ilang gitambongan nga kasal sa ilang mga IG accounts.
Si Angelica mipahibaw sa iyang engagement kang Gregg niadtong Oktubre 2022, pila ka semana human mahimugso ang ilang unang anak nga si Amila Sabine.
Gipahibaw na nilang daan ang ilang plano nga magpakasal sa 2024. Gusto unta nila nga magpakasal sa mas sayo pa, apan dunay mga panghitabo nga miabot nga dili gyud kapugngan.
RELATED STORIES
Angelica Panganiban shares battle with painful bone disease
Angelica Panganiban, fiancé Gregg Homan plan to get married by next year
Angelica Panganiban wows in her maternity shoot