Lawas sa missing beauty queen ug uyab nga Israeli, nakit-an na
TARLAC, Philippines — Nakit-an na ang mga lawas sa missing nga beauty queen nga si Geneva Lopez ug ang iyang Israeli nga nobyo nga si Yitshak Cohen nga gilubong sa usa kasagbutan sa usa ka layong baryo sa Tarlac sa kadlawon sa Sabado, duha ka semana human sila na-missing.
Sumala sa report sa Criminal Investigation and Detection Group (CIDG), nakit-an ang mga lawas gilubong sa Barangay Sta. Lucia.
READ MORE
Viral ‘missing’ P350,000: Man says sorry after claiming hacking issues
Iran’s president missing after helicopter accident in foggy region
Ang mga awtoridad, sa wala pa nila gikalot ang gilubnganan sa mga biktima, unang nikuha og warrant gikan sa lokal nga korte sa Tarlac, ang katapusang lugar diin nakit-an pang buhi ang mga biktima.
Sa pikas bahin, padayun pang gipagpangita sa mga pulis ang mga responsable sa kamatayon ni Lopez, 27 anyos, ug Cohen, 37 anyos, matud pa ni Interior Secretary Benhur Abalos, usa sa mga opisyal nga niila sa mga lawas.
Matud sad sa mga pulis, ang pamilya mismo apil sa niila sa mga biktima, base sa ilang mga sinina ug pisikal nga mga hulagway.
Ang mga lawas gidala sa Lotus funeral home sa Barangay San Vicente, Tarlac City, alang sa autopsy ug DNA analysis.
Missing Beauty Queen, Israeli nga uyab
Nahibaw-an nga na-missing niadtong Hunyo 21, si Lopez ug Cohen human nakit-an nilakaw sa ilang panimalay sa Malabanias, Angeles City.
Sa inisyal nga imbestigasyon, plano nila makigkita sa usa ka middleman alang sa pagpalit sa 20.5-hektarya nga yuta sa Armenia, Tarlac City.
Pero niadtong Hunyo 22, ang ilang sport utility vehicle nakit-ang sunog na sa Barangay Cristo Rey sa Capas, Tarlac.
Matud ni ‘Yanic’, ang igsoong maguwang ni Cohen, ang magtiayon milaag sa Tarlac dili aron sa pagtan-aw sa yuta kondili aron makakuha na sa titulo sa yuta, nga matud niya hagbay na gipalit sa mga biktima kaniadto.
Sumala sa ilang report, ang CIDG miingon nga “usa ka saksi” ang mitabang sa pulis ug nitudlo sa lugar kung aha nakit-an ang mga lawas sa usa ka yuta nga gigahinan sa usa ka “Mr. Pamintuan.”
Didto sa usa ka quarrying site sa Barangay Sta. Lucia gilubong ang mga biktima, sumala sa lain-laing taho gikan sa Philippine National Police.
Persons of interest
Niadtong Hulyo 5, si Judge Edwin Sunga Bonifacio sa Tarlac City Regional Trial Court Branch 111 niluwat og search warrant para sa pagkalot sa yuta kung diin gilubong si Lopez ug Cohen.
Kuyog sab sa operasyon sila Cesario David Bautista Jr., barangay kapitan sa Sta. Lucia, ug konsehal Ronald Pachico.
Ang mga lawas nakaplag usa ka adlaw human ang PNP mipahibalo nga nailhan nila ang usa ka kanhi pulis ug unom ka sibilyan isip “mga person of interest” sa kaso.
Ang mga pamilya sa Lopez ug Cohen una na nga nitanyag og cash reward nga muabot og P500,000 alang sa impormasyon kabahin sa ilahang mga na-missing nga paryente.
Gitanyag usab ni Angeles City Mayor Carmelo Lazatin Jr. ang laing P100,000 nga reward. —uban sa report gikan ni Nestor Corrales
RELATED STORIES
Remains found in Tarlac those of missing pageant bet, BF (inquirer.net)
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
