Gerard Pareja
Kon mang apply tag trabaho dunay mga requirements nga ipa kumpleto.
Duna kay deadline para ning maong requirements.
Usay tagaan tag lugway ug paapilon tag training unya tagaan tag allowance.
Pero kon di gyud nato ma comply ang requirements di ta madawat kay di man ta qualified.
Pag apply ni Maria Lourdes Sereno sa pagka Chief Justice (CJ) sa Supreme Court (SC) gi-require siya pag submit sa iyang mga Statement of Assets, Liabilities and Net Worth (SALN).
Apan unsang pagka unsaa nga nakalingkud naman siya isip CJ bisag wa pa siya kahatag og SALN.
Pinaagi sa quo waranto gitangtang si Sereno pagka CJ sa iyang mga sakop sa SC tungod kay dili legal ang iyang appointment kay wa man niya maka kumplito ang requirements.
Ang mga mikontras dsisisyon sa mga sakop sa SC nagkanayon nga ang kongreso lang ug senado maoy maka impeach ug makapalagpot sa CJ.
Apan matud pa ni Abogado Topacio ang impeachment alang lang sa mga sumbong sa mga kalapasan nga nahimo sulod sa trabaho.
Gitangtang si Sereno basi sa ka kuwang sa legalidad sa iyang appointment.
Apan miingon ang mga pro-Sereno nga dunay expiration date ang pag gamit sa “quo waranto.” Magamit lang kini matud pa nila sulod sa usa ka tuig human sa appointment.
Taudtaud nga nga CJ si Sereno.
Apan tubag pas ubang abogado nga duna usay balaod nga miingon nga kinhanglan nga tumanon mo gayud ang tanang requirement para ma legal ang imong pwesto.
Asa man sa duha ka balaud ang mas bug-at? Kinsa may mohukom? Aw kinsa pa man diay kon di ang SC. End of discussion.
Ay, salamat nahuman na gyud ang pangampanya sa piniliay sa barangay og di na ko makadungog sa mga jingle nga way pananghid migamit sa mga sikat nga kanta sama sa “Havana Oh Na Na.”
Hapit tanang kandidato nga akong nailhan diris amo may kalambigitan man sa illegal nga drugas. Kon dili tigluwas sa mga drug lord, tigbaligya, o hinuon adik gyud mismo.
Di ko ganahan mo butar apan tulubagon ta man gud kini ug basig di ta tagaag senior citizen card inig 60 nato puhon kon di active voter.
Murag naay sipyat si Digong rong eleksyuna. Wa niya mahimong mandatory drug test ug lifestyle check ang mga midagan ning maong piniliay. Mas maayo untah iya pa ning gihimo para kitang katag.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
