Mag oratio imperata kita versus coronavirus!

By: Llyod Suarez - CDN Digital | January 26,2020 - 06:57 AM

 

Nagkinahanglan kita sa gitawag og divine intervention niining pagkatap sa makalilisang nga kagaw nga gitawag og 2019 novel coronavirus nga nagsugod didto sa Wuhan City sa China.

Pasalamat ta dinhi sa Sugbo nga nag-negatibo na sa maong sakit ang 5 anyos nga bata nga mi-abot niadtong January 12.

Ako nagtoo nga mawala ug mapatay kining maong kagaw pinaagi sa gahom sa Diyos.

Maayo tingali nga mag-prayer brigade kitang tanan ug magpasiugda ang Simbahang Katoliko og “oratio  imperata” ug susamang pangaliya nga himoon sa ubang relihiyon aron katabangan ang atong mga igsoong Chinese ug di intawon kini mo-grabe.

Kung mo-grabe kining maong sakit, daku kining epekto sa atong ekonomiya kay apektado ang atong tourism industry.

Timan-i baya nga daghan kaayong mga Chinese nationals ang mobakasyon dinhi sa ato.

Gani dunay mga  direktang flight gikan sa Wuhan, China paingon sa Kalibo, Aklan.

Gawas pa sab daghang mga Insik ang nag-negosyo dinhi sa ato nga nakatabang sa atong problema sa pamuo.

Nalooy kaayo ko sa sobra 600 ka mga residente gikan sa Wuhan, China nga pugson sa gobyerno sa Pilipinas pagpapa-uli karong adlawa agig paglikay nato sa sakit.

Basi sa impormasyon nga nangabot sila dinhi sa Pilipinas ug didto nagbakasyon sa Boracay tungod sa ilang pagsaulog sa Chinese New Year niadtong Sabado unya gi-isolate  sila sa usa ka lugar kay  nangreklamo ang mga residente didto.

Nasobrahan ka judgmental ni’ng ubang mga tawo. Di man seguro ta angay’ng mabalaka kay sama sa 5 anyos milagro man nga nag-negatibo na.

Ang akong ponto ba mao nga unsa kaha ang atong bation kung kita pay naparehas sa ilang sitwasyon  nga mibiya sa ilang dapit aron pagluwas sa kinabuhi unya takulahaw lang nga pabalikon.

Di kaha ta makonsensiya nga kining mga tawhana inay atong tabangan apan atong ginudnod sa  kalautan?

Nganong dili naman lang tabangan sa gobyerno sa Pilipinas kining  maong mga Chinese nationals?

Di ba gud puwede nga makig-coordinate si Presidente Duterte sa ilang mga opisyal sa China aron kadtong mga Insik nga ganahan mopuyo dinhi temporaryo, katabangan?

                                                                                                *****

Nabalaka nako ron sa liderato ni Cebu City Mayor Edgardo Labella kay daghang mga alipores nga  tigpaka-aron ingnon.

Tungod sa iyang  kaayo, mahug siyang “pahoy” o tawo-tawo sa kahumayan kay wa siya makabadlong sa mga opisyales nga nagpalibot kaniya nga sobra pas mayor.

Asa naman ang iyang gipanghambog sa publiko nga dili niya hikawan sa mga batakang serbisyo ang  mga Barangay bisag dili nila kapartido ang naglingkod nga mga kapitan?

With all due respect ngadto ni Mayor Labella, taas kaayo akong expectations kaniya kay gawas  nga abogado unya nahimo pa’ng Director kaniadto sa Ombudsman Visayas nga akong nailhan nga  dili  gusto’g mga tinunto ug mga langay-langay sa serbisyo.

Unsa naman ni ron nga mitiyabaw naman sa grabeng kalangay sa ilang honorarium ang mga Barangay Health Workers (BHW) sa  lain-laing Barangay kay grabe kaayong nakapatuman og bureaucratic red tape ang Labella  administration?

Kang Labella ning paagi o kang Pardo Barangay Captain Althea Lim nga maoy gipadala ning  maong  programa nga vocal kaayo’ng mag-yawyaw sa mga kontra partido nga mga kapitan nga “bawos-bawos lang kuno ang panahon?

Si Labella pay Mayor ron o gitugyan  niya og  mga  tawo nga makadaot sa iyang  pamunuan?

Asa man gud ning gipanghambog ni Mayor Labella nga  inclusive governance ang  iyang  gi-adapt  ron diha sa  City Hall nga namulitika man gihapon sila?

Miingon ang Mayor nga  iya nang gipang-pirmahan ang mga supporting documents aron ma-release  ang amount nga counterpart sa City Hall alang sa  mga BHW.

Apan  ang pangutana, wa ni yak-i sa iyang mga alipores nga natakdan sa pagkadumtanon ni kanhi City Mayor Tomas Osmeña?

                                                                                                *****

Grabeha ka baga’g mga  nawong sa tulo ka mga police officials nga nagpatuyang og pangawat sa oras sa  gobyerno sa tiempong tingtrabaho pinaagi sa pagduwa’g golf during weekdays.

Akong nahibaw-an sa mga mahilig sa duwang golf nga magsugod ang torneyo niini mga alas 6 sa  buntag unya mahuman sulod sa upat ngadto sa lima ka oras.

Kung kapoy na sa pagdinuwa, unsa pamay puwersa i-trabaho ning mga kanahan?

Mirisi nga pang-imbistigahon ug gipa-report na didto sa Camp Crame sila si Police Colonel Dennis Artil, hepe sa Comptroller Division, Police Lieutenant Colonel Dennis Bad-ang, hepe sa Finance Service, ug Police Lieutenant Colonel Glenn Mayam, hepe sa Police Drug Enforcement Group-7.

Nakaingon ko nga puwerte gyud ka baga’g mga nawong kay samtang ilang mga sakop nga gagmay’g ranggo nakigpinatyanay na sa mga durugista pero ang tulo nagpalami sa  kinabuhi.

Puwera gaba gyud ninyo. Kung di namo ganahan mag-pulis, pang-resign mo oi!

Mao ni ilang gibawos natong mga taxpayers sa ilang gidawat nga  suweldo nga dagko  kaayo? Mga kanahan!

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: columnist LLyod Suarez

We use cookies to ensure you get the best experience on our website. By continuing, you are agreeing to our use of cookies. To find out more, please click this link.