LOOK: Patayng lawas nga gisulod ug sako napalgan sa Argao
Patayng lawas sa usa ka lalaki nga gisulod ug sako, gilabay daplin sa dalan sa lungsod sa Argao. Nag-ingon ang kapolisan nga ang biktima wala nay sapot sa ubos nga bahin sa iyang lawas. | contributed photo
LOOK: Patayng lawas sa usa ka lalaki nga gisulod sa sako ug gilabay daplin sa dalan ang napalgan mga tungang gabii sa Sabado sa Sitio Tawug, Brgy. Taloot lungsod sa Argao, Cebu.
Matod pa ni PSMSG Benjie Garcia ang IOC sa Argao Police Station, nga ang maong lalaki gibana-bana nga nagpangidaron ug mga 40 anyos, kupkop ang buhok ug nagsul-ob ug gray nga sando.
Midugang si Garcia nga ang biktima wala nay sapot sa ubos nga bahin sa iyang lawas sa dihang napalgan ug adunay sinyales nga kini gituok tungod sa strangulation marks nga makita sa liog niini. Nagtuo si Garcia nga ang maong lalaki biktima sa salvage.
Nahibaw-an usab nga ang mga residente sa maong lugar walay namatikdan nga kagubot gabii sa wala pa mapalgi ang maong patayng lawas.
Nagkanayon si Garcia nga kun adunay nawad-an ug miyembro sa ilang pamilya, puede silang moadto sa usa ka punerarya sa lungsod sa Sibonga diin gidala ang maong patayng lawas haron sa pakigsusi.
READ:
Salvage victim? Dead man with gunshot wounds found in Sibonga, Cebu
Dead woman, tied and wrapped, found inside a box in Tisa, Cebu
‘Salvage victim’ found in Quezon
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
