Kim Chiu and Xian Lim. Image: Instagram/@xianlimm, @chinitaprincess
Murag gitubag na gyud ni Kim Chiu pinaagi sa komedya ang dugay na nga huhungihong mahitungod sa giingong panagbuwag nila ni Xian Lim.
Kini nahitabo samtang nagkastorya si Kim Chiu ug ang iyang “Linlang” co-star, ang Diamond Star nga si Maricel Soriano. Si Soriano mao ang “yaya for a day,” ni Kim nga makita sa vlog niini sa YouTube channel niadtong Saturday, Dec. 16.
Si Soriano mikuyog ni Kim Chiu sa dihang mitambong kini sa usa ka episode sa “It’s Showtime” diin makita kining nagpraktis ug mga dance steps, ug nakigdungan ug kaon sa iyang fellow hosts sa maong noontime show.
READ: Kim Chiu denies breakup with Xian Lim: ‘Grabe! Kayo talaga’
Samtang naglakaw ang duha padulong sa dressing room ni Kim, gipangutana kini ni Maricel: “Ang dami-daming nagbubulungan. Kamusta daw ang love life mo?” (There have been a lot of talks. They were asking how is your love life doing.)
Ang gipasabot sa Diamond Star mao ang mga tabi-tabi nga nagkabuwag na kuno lage sila si Kim ug ang aktor nga si Xian Lim kinsa boyfriend niini labaw na sa 10 ka tuig,
“Ay, sinong nagtatanong sa’yo (Who’s asking you)?” gipangutana ni Kim si Maricel diin mitubag usab ang veteran actress nga mga fans kuno sa TV host ang nangutana.
“Ang love life ko? Ang lovelife ko ngayon ay ano… Ang love life ko ay naka-hang ngayon,” matod pa ni Kim Chiu nga gisundan niini ug makabungog nga bahakhak. (My love life? My love life now is… My love life now is hanging [non-responsive].)
READ: Kim Chiu spends P100,000 for dinner in HK: ‘Pagkain naman yun, ok na yun’
Kini gisundan usab dayon ug laing pangutana ni Maricel, “Parang telepono, day? Naka-hang? (Just like a telephone? Not responding?)”. Nga gitubag usab ni Kim, “Oo. Kumain tayo, yaya! (Yes. Let’s eat already, yaya!)”, isip paagi niini nga makalusot sa maong topic.
Samtang wala pa gikompirmar o gihimakak nilang Kim Chiu ug Xian Lim ang isyu bahin sa ilang panagbuwag, migrabe ang mga tai-tabi sa dihang namatikdan sa netizens nga gitangtang sa aktor ang kadaghanan sa iyang vlogs apil na katong kauban ang Cebuana actress sa iyang YouTube channel.
Ang comedian ug showbiz reporter nga si Ogie Diaz mireport usab nga buwag na kuno ang duha mga duha na ka buwan ang milabay. Nagkanayon si Diaz nga iyang nakuha ang maong chismis gikan sa iyang higala nga higala usab nilang Kim ug Xian.
READ: Xian Lim officially deletes all vlogs with Kim Chiu
