Usa sa mga all-time favorite Pinoy horror movies ang “Feng Shui” nga gibidahan ni Kris Aquino ubos sa direksyon ni Chito Roño.
Apan dili angay nga kahibudngan kun maapsan kini sa pinakauna nga horror ug psychological thriller movie ni Piolo Pascual — ang “Mallari” nga ubos sa Mentorque Productions.
Gipahigayon niadtong Disyembre 20 ang premiere night ng “Mallari” og kini opisyal nga gisalida sa adlaw sa Pasko isip usa sa mga pelikula sa Metro Manila Film Festival 2023.
Matud sa balita sa Bandera nga puno kaayo ang Cinema 2 sa SM Megamall atol sa premier night sa “Mallari.”
Ang maong kalihukan gitambungan usab sa lead star nga si Piolo Pascual ug sa iyang mga kauban nga sila si Janella Salvador, Elisse Joson ug JC Santos.
Kauban usab sa maong pelikula ang beauty queen ug beterana nga aktres nga si Gloria Diaz nga maoy mama sa main character nga si Fr. Severino Mallari nga gidala ni Piolo.
Ug basi sa mga kumento sa mga mi tan-aw sa premier night, daku kaayo ang kahigayonan ni Piolo nga makuha ang MMFF 2023 best actor award. Ang Gabi ng Parangal ipahigayon karong Disyembre 27.
View this post on Instagram
Sa usa ka interview, mi-angkon si Piolo nga ang “Mallari” ang pinakalisud nga pelikula nga iyang nahimo. Gani, matud ni Piolo nga hapit siya mo balibad sa movie offer.
Matud sa Bandera nga nagkalain-lain ang emosyon nga bati-on sa mga motan-aw sa maong pelikula.
Gani, dunay mga mi tan-aw sa premier night nga wala gyud makapugong sa pag shagit tungod sa ilang kahadlok. Duna poy mga nakapamalikas sa dihang migawas na ang sekreto sa pamilya nga Mallari og kun unsa ang hinungdan sa pagkahimo nga serial killer ni Fr. Sevrino.
Gawas kang Piolo, daku pud ang kahigayonan nga makuha ni JC Santos ang best supporting actor award. Wala pud magpauwahi sila si Janella ug Elisse sa kamaayo sa ilang mga kauban.
Janella Salvador ug Piolo Pascual. | CDND photo
Matud sa Bandera nga maka shock pud ang gipanghimo ni Gloria Diaz nga duna pay “kissing scene” kauban si Piolo.
Asoy sa mga taga production nga naka istorya sa Bandera nga si Gloria mismo ang mihimo sa iyang mga stunts sa pelikula og wala kini mangayo og double.
Sa aspito nga technical, daku ang kahigayonan sa “Mallari” nga makakuha og awards tungod kay pang Hollywood kaayo kini apil na ang cinematography ug production design nga gigastuhan gyud sa Mentorque Productions.
RELATED STORIES
Piolo Pascual encourages everyone to adopt a healthy lifestyle
Piolo Pascual nabuntis kuno si Shaina? Aktor mikatawa lang
Piolo Pascual embraces fatherhood in new film
