Rob Gomez ug Shaila Rebortera kauban ang ilang anak.
Kinsa kaha ang ikiha sa kanhi beauty queen ug doktor nga si Shaila Roberta?
Migawas ang balita nga mibisita si Shaila sa usa ka law firm karon lang bag-o ug nakigkita og mga abogado, apan dili pa klaro kun unsa ang iyang tuyo.
Daghan karon ang nagduda nga basin og may kalabutan kini sa giingon nga kalambigitan ni Rob Gomez nila ni Herlene Budol ug Bianca Manalo.
Nakauban ni Rob ang duha sa Kapuso series nga “Magandang Dilag” apan bisan og nahuman na kini, aduna gihapoy nga iskandalo nga nanggawas kalabot sa tulo ka mga artista.
Karong bag-o lang dunay mga na leak nga private messages kuno nila ni Rob ug Bianca.
Sa latest episode sa “Showbiz Now Na,” ang YouTube vlog ni Ogie Diaz, nahisgutan niya ang mahitungod sa pagbisita ni Shaila sa maong law firm.
“Hindi naman natin alam baka kinuha siya ng law firm para maging official dentist nila,” matud pa ni Ogie.
Midugang usab siya nga mura og hamugaway man ang kahimtang karon nila ni Shaila ug Rob nga parehong deadma sa mga nanggawas nga isyu.
Sa miaging seman, gi-flex pa gani ni Rob sa social media ang mga hulagway nga kuha sa bunyag sa anak nila ni Shaila. Ug makita nga mura og malipayon ang duha sa kung unsa man ang estado sa ilang relasyon karon.
Mihatag usab og tambag si Ogie kang Rob nga unta tarungon na niini ang iyang personal nga kinabuhi para dili maapektuhan ang iyang nagkanindot nga career.
Dunay pipila na netizens nga mi comment usab sa vlog ni Ogie. Ang usa nila mi-awhag kang Rob nga klarohon kung single ba gyud siya o kun nagbalik na ba sila ni Shaila.
RELATED STORIES
After abuse rap, Rob Gomez says Shaila Rebortera is ‘not an option to lose’
Cebuana Shaila Rebortera shows signs of physical abuse after revealing child with Rob Gomez
Shaila Rebortera bares actor Rob Gomez’s mom ‘asked me to say sorry’
