Kylie Padilla
Nakit-an ang Kapuso actress nga si Kylie Padilla nga dunay gipalit sa usa ka mall kauban ang usa ka taas ug gwapo nga lalaki.
Mi-viral gyud dayon ang video nga gi-upload sa TikTok user nga si @ivhetgonzales nga nagpakita kang Kylie kauban ang usa ka long hair nga lalaki nga adunay tattoo sa iyang lawas ug ariyos sa iyang dalunggan.
Daghan pud ang mi-hatag dayon sa ilang kumentaryo sa maong video. Dunay mga nag-ingon nga basin og iyang gym coach ang iyang kauban nga lalaki.
Usa ka netizen miingon, “gusto ko din po ng long hair at may tattoo saka matangkad Lord.”
Laing netizen mikumentaryo, “May isang anak na din yan si kuya, gwapo talaga sya ka skulmate ko sa TUA.”
“Napakaganda ni Kylie. Bagay sila. Napakaganda rin ng bag niya! Super bet!” sey sa lain pa.
Duna poy mga nag-ingon nga mura og tinuod gyud ang chika na duna nay bag-o nga karelasyon si Kylie nga usa ka tattoo artist.
Una nga migawas ang chika nga adunay bag-o nga uyab ang aktres sa dihang mi post kini sa social media og mga hulagway nga kuha sa iyang bakasyon sa Thailand niadtong Enero 2023.
Dunay mga nagduda nga ang lalaki nga kauban niya sa Thailand mao ra pud ang lalaki nga nakit-an nga kuyog niya sa usa ka mall.
Wala pay gipagawas nga katin-awan si Kylie sa pagsuwat ning maong balita.
RELATED STORIES
Kylie ‘happy for everyone’ as Aljur and AJ go Instagram official
Kylie Padilla amid split controversy: ‘I’m really ok’
