Kris Aquino
Bisan unsang orasa, pwede ma-cardiact arrest ang Queen of All Media nga si Kris Aquino tungod sa mas migrabe pa nga kahimtang sa iyang panlawas.
Kini ang gipahibaw ni Kris sa iyang interview sa “Fast Talk with Boy Abunda” karong adlaw nga Miyerkules, Pebrero 14.
Matud niya nga duna siyay lima ka autoimmune diseases nga mao ang nagpaluya og samot sa iyang lawas. Ug ang ikalima ang pinaka kontrabida sa tanan.
Sey ni Kris nga naigo na usab sa sakit ang iyang baga human siya magka comorbidity ug human siya magpositibo sa COVID-19 pipila ka buwan na ang milabay apan, “I refuse to die!”
Miangkon si Kris nga alarming na kaayo ang sitwasyon sa iyang panglawas labi na kay miubos na usab pag-ayo ang iyang hemoglobin nga mao ang nagdala og oxygen sa lawas sa taw.
Dugang niya nga bantayanan usab kaayo ang iyang kasing-kasing tungod kay dunay mga higayon nga grabe kaayo ang pagsaka sa iyang heart rate. Bisan og mopadulong lang siya sa banyo, moabot na of 120 ngadto sa 146 ang iyang heart rate.
Tungod niini, daku kaayo ang kahigayon sa stroke mao nga grabe ang iyang gibuhat nga pagmatngon.
Ug tungod sa nagkagrabe nga kahimtang sa iyang panglawas, nangayo na usab si Kris og pag-ampo gikan sa publiko.
Karong umaabot nga Lunes dunay suwayan nga biological nga tambal si Kris nga gituohan nga makatabang sa pagkontrol sa iyang autoimmune diseases. Maayo usab kuno kini para sa iyang kasing-kasing.
Apan miangkon siya nga dunay kuyog nga risgo ang maong tambal kay pwede siya nga ma-cardiac arrest kun dili kini epektibo para kaniya.
Ug aron sa pagsiguro nga maminusan ang risgo nga iyang gi-atubang, “baby dose” lang una kuno ang ihatag sa iyang doktor. Gusto sa iyang doktor nga makita una kun unsa ang epekto sa maong tambal sa iyang lawas.
Kun makauyon siya, upat ka doses kuno ang iyang gikinahanglan.
Sa iyang pag-saulog sa iyang adlaw nga natawhan karong Martes, Valentine’s Day, giisip ni Kris nga daku kaayo kini nga grasya tungod kay “pahiram na lang ito ng Diyos sa akin.”
Iya usab nga gipasaligan ang tanan nga nagmahal ug nag-ampo para niya nga padayon siya nga makigkumbate sa iyang mga sakit hangtud sa iyang makaya.
RELATED STORIES
Kris Aquino bares ‘abnormalities’ in her blood panels, calls for prayers
Kris Aquino thankful as doctors found treatments that can help ‘get her health back’
