Nadine Lustre gisaway human sa online gambling promotion
Nadine Lustre/Instagram
Nakadawat og kritisismo ug saway si Nadine Lustre human niya gi-promote ang online gambling isip brand ambassador sa usa ka online casino.
Ang aktres nag-anunsyo sa paglansad sa online gambling platform, human mi-share siya og litrayo niya nga naggunit og cellphone pinaagi sa iyang Facebook page niadtong Sabado, Nobyembre 16.
Ang mga netizens nagdagsa sa comments section aron ipahayag ang ilang kasagmuyo sa aktres, nga nailhan nga usa ka advocate sa animal rights ug nag-promote sa vegan lifestyle. Suportado usab niya ang mga environmental organizations ug laing mga cause-oriented organizations.
Sa laing bahin, adunay mga ni-depensa kang Lustre ug nag-awhag sa mga fans nga “irespeto [ang aktres] sa iyahang hustle.”
Si Lustre, nga gi-anunsyo isip “muse” sa online gambling platform niadtong Agosto, wala pa makakomento bahin sa isyu.
Gigamit ni Lustre ang iyang platform aron magsulti bahin sa iyang mga adbokasiya alang sa animal rights, environmental causes, ug apil na ang mental health.
Niadtong Agosto lang, misulti siya batok sa pag-abuso sa mga hayop sa zoo. Giila usab siya isip usa ka wildlife protector niadtong 2023 sa usa ka pribadong conservation area sa Rizal.
Ang aktres busy sa pag-promote sa iyang pinakabag-ong pelikula, “Uninvited,” diin siya nag-uban sa mga beteranong aktor nga sila Vilma Santos, Aga Muhlach, Tirso Cruz III, Mylene Dizon, ug Lotlot de Leon.
READ MORE
Nadine Lustre nagbangutan apan kinahanglan pa gihapon motrabaho: Napakahirap nu’n!
Nadine Lustre draws criticism after promoting online casino
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
