cdn mobile

Top 9 most wanted sa Central Visayas sikop

By: by Paul Lauro - CDN Digital Correspondent | January 24,2025 - 08:06 PM

most wanted

Si Jephosin Zusubrado Cantunao, top 9 most wanted person sa Region 7, nasikop sa Criminal Investigation and Detection Group (CIDG) Lapu-Lapu City Field Unit niadtong Huwebes, Enero 23, 2025. /Contributed photo

CEBU CITY, Philippines – Nadakpan sa mga sakop sa Criminal Investigation and Detection Group (CIDG) Lapu-Lapu City Field Unit ang top 9 most wanted person regional level didto sa Sitio Mahayahay, Barangay Bangkal, Lapu-Lapu City passado alas 12 sa udto kagahapon, Enero 23, 2025.

Ang pagsikop ni Jephosin Zusubrado Cantunao, 30, pinasikad sa warrant of arrest sa kasong homicide.  Si Cantunao usa ka construction worker nga lumad nga taga Barangay Matab-ang, Toledo City ug kasamtangan nga nagpuyo sa Barangay Bangkal, Lapu-Lapu City.

Ang CIDG Lapu-Lapu City Field Unit, gipangulohan sa hepe nga si Police Captain Joel Deiparine, milusad og manhunt operation sa mga most wanted person nga aduna’y pending warrant of arrest.

Si Cantunao nalutsan og warrant of arrest sa kasong Homicide nga giluwatan ni Judge Chaunsey Torejas Boholst, ang Presiding Judge sa RTC 7 Branch 18 nga gipetsahan og Enero 22, 2025 ug aduna’y gitugot nga pyansa nga P120,000.00.

Human madawat sa CIDG ang warrant gikan sa korte batok, miumol dayon sila og tracker team ug giadto ang balay niini sa Barangay Matab-ang sa Toledo City apan wala kini didto.

Dunay nakatug-an kanila nga mibalhin kini og puyo sa Barangay Canduman, Mandaue City ug nagtrabaho isip school bus driver sa usa ka pribadong tunghaan.

Niadtong Enero 23, 2025, ilang giadto ang tunghaan nga gialagaran sa akusado ug ang mga security personnel niini ang mipahibawo kanila kung asa na kini nagpuyo, hinungdan nga ila kining malampuson nga nadakpan.

Ang pagka-sikop kang Cantunao kabahin sa flagship program sa CIDG nga mao ang “Oplan Pagtugis” diin ang ilang target mao kadtong mga labing pinangita sa balaod nga nag tago-tago.

Si Cantunao ang gitudlo nga responsable sa pag-tigbas patay sa usa ka ex-convict nga si Rico Oquiño, 25, sa Sitio Upper Puti, Barangay Buhisan, Cebu City niadtong Agusto 27, 2024.

Giingong selos ang hinungdan sa iyang pagtigbas sa biktima tungod kay ang iyang kanhi kaipon nga si Jarisa Biasong, 27, mao na ang gika-relasyon niini.

Matud pa, kanunay kini nga mobahad sa biktima nga iyang patyon ug tuod man niadtong Agusto 27, 2024, sa alas 8 sa gabii, miadto ang suspetsado sa balay ni Biasong aron mohatag sa sustento sa ilang anak nga tres anyos apan nasuko ang biktima nga si Oquiño nga maoy hinungdan sa ilang panaglalis.

Nilakaw si Cantunao apan pipila ka gutlo ang milabay, mibalik kini ug nagdala na og sundang diin iyang nakasugat ang biktima sa dalan ug dayon gitigbas kini sa liog nga miresulta sa iyang hinanali nga kamatayon.

Human sa maong hitabo, nag tago-tago na kini ug wala na mopakita sa iyang kanhi kaipon ug gipasakaan siya og kasong homicide sa Labangon police station.

RELATED STORIES

Central Visayas’ most wanted killed in shootout in Argao, Cebu

Wanted person nabbed while getting police clearance in Cebu City

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Central Visayas, Most wanted person
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.

This is an information message

We use cookies to enhance your experience. By continuing, you agree to our use of cookies. Learn more here.