Di na halinun ang hubohubo?

By: Gerard Pareja October 17,2015 - 12:52 AM

Human sa 62 ka tuig nga pagmantala og mga babae nga way sapot, nakahukom ang basahong Playboy nga moundang na silag pakitag hulagway sa mga babae nga gahubo.

Ngano kaha? Natandog na gyud sila sa mga feminista? Nauwaw sila ni Pope Francis, pagduaw niani sa America? O di ba kaha hinuon mga lalake na nga gahubo maoy ilang imantala?

Nahimo na nga institution ang Playboy sa matang sa hubohubo. Ania ang pipila sa mga artista, singer, model ug athletes nga napahubo sa playboy sukad ilang gibutang sa centerfold niadtong 1953 si Marilyn Monroe: Terry Moore, Nancy Sinatra, Linda Evans, Judy Collins, Bai Ling, Farrah Fawcett, Ursula Andress, Kim Basinger, Drew Barrymore, Tiffany, Debbie Gibson, Belinda Carlisle, Shannen Doherty, Madonna, Raquel Welch, Bo Derek, Barbara Bach, Mariel Hemingway, Natassja Kinski, Sharon Stone, Mimi Rogers, Patti Davis (anak ni Ronald Reagan), Charlize Theron, Carmen Electra, Kim Kardashian, Pamela Anderson, Lindsay Lohan, Katrina Wett, Gabrielle Reece. Vanity, Linda Lovelace, Shannon Elizabeth, Maria Schneider, Brigitte Bardot, Catherine Denuve, Sonia Braga, Sharon Tate, Cindy Crawdord, Eva Herzigova, Naomi Campbell, Anna Nicole Smith ug Kate Moss.

“You’re now one click away from every sex act imaginable for free. And so it’s just passé at this juncture,” mauy gihatag nga katarungan sa CEO sa Playboy nga si Scot Flanders kon nganong undangon na nila ang hubohubo sa ilang pamantalaan. Gawas sa mga hulagway sa babae naila usab ang maong mga magazine sa ilang mga interview sa mga leader sa sama kanasuran sama nila ni Ferdinand Marcos, Fidel Castro ug Jimmy Carter.

Ang primerong challenge sa Playboy mao ang pag-abot sa kompetisyon nga mga magazine nga Penthouse ug Hustler. Dayon mihinay kinig samot pag-abot as videos. Apan daw natikub kini pag-abot sa Internet diin di naka mobayad para makit-an mo sila ni Paris Hilton ug Kim Kardashian in action. Daw kataw-anan nga kining negosyo kabahin sa hubohubo sa mga babaye napilde ra usab sa mga babaye nga mihubo.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Hubo, Playboy

We use cookies to ensure you get the best experience on our website. By continuing, you are agreeing to our use of cookies. To find out more, please click this link.