Okay ka, Francis ko.
It could not have been more cinematic.
Didto sa Palo, Leyte, ang Papa nagmisa sa dakong hawan samtang nagsingabot ang laing bagyo. Naghaguros ang hangin sa altar. Maurag mapadpad ang Papa ug ang iyang mga kauban. Ang background hinimo sa mga native materials. Siya ug ang tanang nanambong nagsul-ob og sihag nga yellow raincoat. Nahimo kadtong usa ka thriller diin ang pangutana kon makalarga ba ang Papa sa di pa moabot ang bagyo. Ang subo lang niadto kay dihay namatay sa mga pilgrim kay nahulogan kini sa usa ka scaffolding sa speaker.
Twitter breaker.
Unsa man gyuy nia nianing AlDub nga nang-break man kuno ni silag records? Ang chemistry ni Maine Mendoza ug Alden Richards? Partly. Ang creative genius sa TAPE productions? Sure. Ang kaabtik sa Eat Bulaga? Of course. Pero nganong nanga-ungo man intawn ning mga tawo nga manghilak na man? Tungod kini kay ang maong tandem maoy unang kaminyuon sa social ug traditional media. Gikilig ang panon kay alang kanila, dili lang sila viewers ning maong pasundayag kon dili participants usab sila.
Pacman falters.
Gipahimangnoan si Pacman nga dili pasudlon sa laang ni Mayweather kay daghan na kining nabiktima sa maong stratihiya. Apan ang nakaparat kay sa pagsulod ra niya sa maong halwan makuha ang higayon nga matumpag niya kining malansison nga kaatbang. Wala siya mosulod. Wala siya makadaog.
Cafe blue.
Ah, Paris! Oh, Paris. Ang art and culture capital sa kalibotan gihasi sa mga terorista karong tuiga. Daghang kinabuhi ang nakalas sa gihimong pagpamomba ug pangrakrak sa mga followers sa ISIS sa mga concert halls ug mga cafes. Pero wala mawagtang ang bohemian spirit ning maong lugar.
China moon.
Nitakdol ang kabuang ning higanting nasod ug nagduwag tubigtubig sa tugkaran sa ubang nasod.
Gun Crazy.
Sa America niadtong niaging tuig, dunay gipamatay sa eskwelahan, duna sa sinehan, duna sab sa simbahan.
Mahimong Jihadist ang namusil, mahimo sang white supremacist o di ba kaha hinuon plain buang lang. Tungod sa kasayon ipalit og armas sa US, dali na lang kaayo ang pagpamusil didto. Naningkamot si Obama nga mas mapahugtan ang ilang gun control didto apan supak ang mga oposisyon kay matod nila supak kini sa second amendment sa ilang constitution.
Mother ship.
Bisan pa man sa daghang dagkong baha sa tibuok kalibotan, bisan pa man sa mga kusog nga unos nga nagkagrabe matag tuig, bisan pa man sa mga tornados nga nagsagunson nag pangdaro sa mga kapatagan sa America, bisan pa man sa mga forest fires (kayo sa kalasangan tungod sa kainit sa panahon), daghan gihapon ang dili motuo sa climate change. Hinuon nagkauyon ang 195 ka nasod niadtong usa ka panagtigom sa Paris sa niaging buwan nga minusan na nila ang ilang carbon emission nga maoy nakadaot sa atong bugtong pinuy-anan. COP21 maoy tawag nila sa maong conference.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
