Ogie Alcasid at Regine Velasquez
GAME na game na nakipagchikahan ang Ultimate Singer-songwriter na si Ogie Alcasid sa ilang miyembro ng entertainment media nitong nagdaang Miyerkules, September 13.
Ito’y para sa nalalapit niyang bonggang-bonggang show titled, “Ogieoke, The Concert” na gaganapin sa Sept 29, sa Newport Performing Arts Theater.
Isa sa mga natanong sa singer-actor at TV host ay ang tungkol sa 12-day suspension na ipinataw ng Movie and Television Review and Classification Board (MTRCB) sa programa nilang “It’s Showtime“.
Bukod dito, nagkuwento rin si Ogie sa mga latest ganap tungkol sa personal life nila ng asawang si Asia’s Songbird Regine Velasquez.
Ayon kay Ogie, hindi naman daw masyadong affected ang “It’s Showtime” family sa mga isyung kinasasangkutan nila ngayon, same-same energy pa rin ang ipinakikita ng buong production lalo na si Vice Ganda.
“Hindi mo mapapansin na may something. In fact, napansin ko, si Vice lately has been so energized. Okay kami, okay kami,” paliwanag ni Ogie.
“Kilabotitos” concert
Matagal-tagal ding nawala si Ogie sa “It’s Showtime” dahil nanggaling siya sa Amerika at Canada para sa “Kilabotitos” concert tour nila ni Ian Veneracion. Last Monday siya bumalik sa Pilipinas at nag-report na siya sa noontime show ng Tuesday hanggang Thursday.
Last Friday ay umalis na uli siya patungong Hong Kong kasama ang kanyang pamilya para sa isang short vacation kasabay na rin ng kanyang late 56th birthday celebration (August 27).
Pagkatapos nito ay lilipad naman siya patungong Honolulu, Hawaii para sa ilan pang natitirang tour ng “Kilabotitos.” Sey ni Ogie umuwi lang siya last week para sa promo ng “Ogieoke, The Concert”.
Samantala, pati nga ang sex life nila ni Regine ay napag-usapan sa presscon ng “Ogieoke”. Mismong siya na ang nagkuwento kung gaano sila kadalas mag-sex ni Ate Regs.
4 times a week
“Alam mo ang sabi sa amin ng pastor namin, eto tototo ‘to ha? Sa mag-asawa, kailangan, at least, 4 times a week,” sey ni Ogie. Pero inamin niyang, “Mahirap ‘yon.”
View this post on Instagram
“Pero I guess, ine-emphasize lang siguro ng pastor namin na kailangan siya (sex), kailangan siya sa pag-aasawa,” aniya.
Pero nasusunod ba nila ang 4x ang week na paglalabing-labing? “Feeling ko, hindi. Kasi, alam mo ba, alas-nueve, tulog na ako?”
ALSO READ: Ogie Alcasid, Regine Velasquez reunite with Michelle van Eimeren, kids after 3 years
Morning person at early riser din daw siya habang si Regine ay late na raw natutulog, kaya madalas wala nang nangyayaring “kalabitan.”
“Ogieoke The Concert”
Tungkol sa magaganap na “Ogieoke The Concert”, sinuguro ni Ogie na mag-e-enjoy nang bonggang-bongga ang mga manonood lalo na yung mga adik sa videoke.
Aniya, halos buong show na ididirek ni Paolo Bustamante, ay mala-videoke ang style at concept at ang kakantahin ni Ogie ay ang mga madalas kinakanta ng mga Pinoy sa videoke bar.
Kabilang sa mga kakantahin ng singer-actor ay ang “My Way” at ang super hit na “Bakit Ngayon Ka Lang?”
Bukod dito, chika pa ni Ogie, “Marami akog surprise guests. Actually ang naka-line up sa poster ay mga totoo kong guests, si Lara Maigue at Gian Magdangal. Pero ang ibang mga guest, hindi ko ia-announce!”
