Kapin P300k nga kantidad sa shabu na sakmit sa buy-bust operations sa Cogon Pardo ug Duljo Fatima  

Ang isa sa nadakpan na si Ricardo Andog.  CDN Digital photo | Benjie Talisic

Cebu City, Philippines — Kapin sa P300,000 sa gi-tuohang shabu ang na sakmit sa duha ka buwag nga pag pang ronda sa Drug Enforcement Unit sa Cebu City Police Office ug Presinto 11 niadtong adlaw sa Martes, Pebrero 26, 2019.

Unang gi himo ang plano nga pag pahigayon sa buy-bust operation pasado apas tres sa kadlawon sa Martes didto sa Sitio Duko, Barangay Duljo Fatima.

Ang maong pag pang ronda ubos sa pag giya mi Chief Inspector Chuck Barandog, ang labaw sa DEU sa CCPO didto sa maong dapit.

Gi ila ang na dakpan nga si Mary Abella, aka Sylvia, 45 ang edad ug molopyo sa maong dapit ug walay tino nga trabaho.

Gi ingong napalitan si Abella sa usa ka nag pailang manggamitay ug usa ka gamay nga pakete sa shabu  sa tugkaran sa ilang panimalay.

Gi bana bana nga mo kantidad ug P238,000 ang nasakmit na drogas kon e-basi sa iyang Dangerous Drug Board value.

Pila ka oras ang milabay, lain na usab nga operasyon ang gikasa sa susamang unit didto sa San Tagunol, Barangay Cogon Pardo.

Pasado alas otso sa buntag, usa ka tawag ang gipaabot sa usa ka wala magpaila na caller kabahin sa usa  59 anyos nga anaa sa dapit nga gi ingong namaligya ug guinadiing drugas.

Si Ricardo Andog,  molopyo sa dapit kon diin siya na dakpan, ang una nang gi monitor sa mga operatiba kadlawon palang apan wala kini mi tuman.

Dihang buntag na, nabantayan ang presensiya ni Andog sa dapit diin na sakmit sa iyang possesion ang mokabat na sa P102,000  nga kantidad sa shabu.

Gi hulagway ni Barandog nga ang duha ka mga dinakpan mga bag-o ug wala kini ma apil sa una na nilang mga na lista nga ha lambigit sa pag payuhot sa guidiling drugas.

Si Abella, sa iyang habig, mi ingon nga na apil lang siya sa iyang mga paryente, sanglit nga dunay mga ig agaw niini nga mga na lambigit sa pag pamaligya ug drugas.

Wala na mopalawom pa sa pag sulti si Abella samtang si Andog wala na hinoon ko tingog sa pag pangutana kaniya. /bmjo