P70 mil na kantidad na dahon sa marijuana nasakmit; supplier nadakpan sa buy-bust sa Mambaling
Si Sander Zulieta nadakpan sa usa ka buy-bust operation sa Barangay Mambaling ug nakuhaan og 18 ka putos na dahon sa marijuana. |Benjie Talisic
CEBU CITY, Philippines — Usa ka giingong supplier og marijuana sa Barangay Mambaling sa dakbayan sa Sugbu ug sa mga kasikbit nga barangay niini nasikop sa usa ka buy-bust operation sa Mambaling mga pasado alas 10 kagabii sa Lunes, Marso 4.
Si Sander Zulieta, 20, gisikop human makuhai og 18 ka mga putos na pinaugang dahon sa marijuana na mokantidad og 70 mil ka pesos sa buy-bust operation sa Sitio Tangke Dos sa Barangay Mambaling, matud pa ni Kapitan Francis Renz Talosig, ang hepe sa Presinto sa Kapolisan sa Mambaling.
Si Talosig niingon na dugay na nila giplanohan na dakpon Si Zulieta apan dili gyod nila matimingan sa balay niini sa Barangay Mambaling.
Read more: P4.6-million worth of marijuana stalks uprooted, burned in Balamban town
Apan kagabii, si Zulieta nahibaw-an nila na anaa sa iyang balay, mao to na nipahigayon sila og buy-bust operation batok sa suspetsado,
Si Zulieta, sa dihang gikuhaan kini sa iyang habig sa Cebu Daily News Digital, igo lang kining nitug-an na ang iyang gipalitan sa dahon sa marijuana kay naa sa lungsod sa Balamban ug sa dakbayan sa Toledo sa probinsiya sa Sugbu.
Wala hinuon mitug-an si Zulieta kung si kinsa ang iyang supplier.
Si Zulieta karon temporaryong gibalhug sa presohan sa Presinto sa Kapolisan sa Mambaling./dbs
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
